وزیر اعظم عمران خان اور امریکی صدر ٹرمپ کے درمیان ٹیلیفونک رابطہ ہوا جس میں وزیراعظم عمران خان نے ثالثی کی پیشکش پر صدر ٹرمپ کو سراہا۔

وزیراعظم عمران خان اور امریکی صدر کے درمیان دو طرفہ تعلقات اور خطے کی صورتحال پر گفتگوکی جبکہ دونوں رہنماؤں نے مشترکہ مقاصد حاصل کرنے تک مل کر کام کرنے پر اتفاق کیا۔

اس موقع پر وزیراعظم نے صدر ٹرمپ کو مقبوضہ کشمیر کی تازہ صورتحال سے بھی آگاہ کرتے ہوئے کہا کہ مقبوضہ کشمیر میں 80 لاکھ سے زائد لوگ 100 روز سے زائد کرفیو میں زندگی گزار رہے ہیں، صدر ٹرمپ مقبوضہ کشمیر کے پر امن حل تک اپنی کوششیں جاری رکھیں۔

وزیراعظم عمران خان کا مزید کہنا تھاکہ افغانستان سے اغواکاروں کی رہائی مثبت پیش رفت ہے، پاکستان پر امن اور مستحکم افغانستان کے لیے کوششیں جاری رکھے گا۔

یاد رہے کہ اس سے قبل بھی عمران خان نے دورہ امریکہ کیا تھا جس میں حال میں ہونے والا دورۃ امریکہ 3 روز کی مدت کا تھا جس کے مطابق  وزیر اعظم عمران خان 23 ستمبر کو ایک بار پھر امریکہ دورے کے لئے روانہ ہوئے تھے، جہاں وزیراعظم عمران خان کی نیویارک میں امریکی صدرڈونلڈ ٹرمپ سے ون آن ون ملاقات ہوئی تھی۔

ملاقات میں وزیراعظم عمران خان نے امریکی صدر کو کشمیر میں ہونے والی انسانی حقوق کی خلاف ورزیوں اور مسلسل کرفیو سے آگاہ کرتے ہوئے کہا تھا کہ بھارتی اقدام سےخطے کی صورتحال مزید خرابی کی طرف بڑھے گی۔

اس موقع پر امریکی صدرڈونلڈ ٹرمپ نے کہا تھا کہ پاکستان کے ساتھ امریکا کی تجارت بہت کم ہے، پاکستان کےساتھ تجارت چارگنا بڑھائیں گے۔

علاوہ ازیں وزیر اعظم عمران خان نے 21 جولائی کو تین روزہ سرکاری دورے پر امریکہ روانہ ہوئے تھے جہاں 22 جولائی کو ان کی ملاقات صدر ڈونلڈ ٹرمپ سے ہوئی تھی۔

وزیر اعظم عمران خان کی امریکہ دورے کے دوران امریکی وزیر خارجہ مائیک پومپیو اور دیگر ایوان نمائندگان کی اسپیکرنینسی پلوسی سے بھی ملاقاتیں ہوئی تھیں جبکہ امریکی ٹی وی کی جانب سے انٹرویو بھی دیا گیا تھا  اور امریکی انسٹی ٹیوٹ آف پیس سے بھی خطاب کیا تھا۔