شیخ رشید کا کہنا ہے کہ فضل الرحمان استعفی لینے آیا لیکن خالی ہاتھ گیا۔

تفصیلات کے مطابق وزیر ریلوے شیخ رشید ریلوے ہیڈکوارٹر لاہور میں پریس کانفرنس کر تے ہو ئے کہا ہے کہ بعض چیزوں کو عجیب رنگ دیا جاتا ہے ،بہت سارے لوگوں کے پیٹ میں بھی درد ہو رہا ہے ، فضل الرحمان استعفی لینے آیا لیکن خالی ہاتھ گیا، فضل الرحمن دھرنے میں استعمال ہوا۔

شیخ رشید نے کہا کہ آصف زرداری کی پلی بارگینگ شروع ہو گئی ہے،خزانہ بھرنے والا ہے، احتساب سب کا ہونا چاہئیے،مریم نواز لاہور ہی رہے گی۔

وفاقی وزیر کا کہنا تھا کہ سوشل میڈیا کہہ رہا تھا کہ نواز شریف منگل کو گیا کہ بدھ کو لیکن سب غلط نکلا نواز شریف کے معاملے پر پنجاب اور سارے ڈاکٹر پر زبردست اثر تھا وہ دبائو میں آ گئے، پرویز الٰہی کو عمران خان نے فون کیا، وہ ہمارے سسٹم کا حصہ ہیں، عمران خان نے این آر او نہیں دیا، سارا سوشل میڈیا تو یہ بھی کہہ رہا تھا کہ نوازشریف مر جائے گا۔

وزیر ریلوے نے کہا کہ شہباز شریف جب چاہے گا واپس آئے گا وہ ہماری پارٹی کا بندہ ہے وہاں بھی ہمارے لئے کام کر رہا ہے، ڈاکٹر عدنان کا واپسی پر پوچھ گچھ ہونا چاہئیے،اب پلیٹ لیٹس کہاں گئیں؟؟

انھوں نے کہا کہ وزیراعظم عمران خان نے ریلوے پر میٹنگ کی اور دو تیکنیکی مشیر رکھنے کی منظورہ دی ہے ، اگلے ہفتے ٹرین واہگہ بارڈر بھی جائے گی ، تین سال میں ریلوے کا خسارہ ختم کر دیں گے۔