پاکستان مسلم لیگ (ن) کے صدر اور قائد حزب اختلاف شہبازشریف نے اپنے ایک پیغام میں قوم اور کارکنان سے اپیل کرتے ہوئے کہا کہ آپ کی دعاوں سے انشاءاللہ محمد نوازشریف جلد روبصحت ہوں گے۔

تفصیلات کے مطابق پاکستان مسلم لیگ (ن) کے صدر نےاپنے ایک بیان میں کہا کہ محمد نوازشریف نے پاکستان کی دل سے خدمت اور عوام سے محبت کی ہے۔

اپنے پیغام میں شہبازشریف نے یہ بھی کہا کہ آج انہیں آپ کی دعاوں کی ضرورت ہے اور آپ کی دعائیں وہ اثر رکھتی ہیں جو کسی دوائی میں نہیں۔

پاکستان مسلم لیگ (ن) کے صدر اور قائد حزب اختلاف شہبازشریف نے مزید کہا کہ محمد نوازشریف انشاءاللہ صحت مند ہوکر واپس لوٹیں گے جبکہ قوم اور کارکنان ان کا شاندار استقبال کریں گے

 واضح راہے اس سے قبل لاہور میں پریس کانفرنس کرتے ہوئے شباز شریف کا کہنا تھا کہ عدالت نے 4 ہفتوں کی اجازت دی ہے لیکن عدالت نے انسانی بنیادوں پر نوازشریف کے حق میں  فیصلہ دیا ہے اس موقع پر عدالت عالیہ اور قوم کا دل کی گہرائیوں سے شکر گزار ہوں۔

پاکستان مسلم لیگ ن کے رہنما اور صدر شہباز شریف نے کہا ہے کہ کارکنون کی دعائیں رنگ لائیں ہیں اور عدالت نے نواز شریف کو بیرون ملک جانے کی اجازت دیدی ہے۔

پاکستان مسلم لیگ ن کے رہنما کا مزید کہنا تھا کہ نواز شریف کے علاج کے لئے اربوں روپےکےبانڈزکی شرط بھی ختم ہوگئی ہے جبکہ علاج کے بعد صحت بہتر نہ ہونے پر عدالت کو مدت میں توسیع کی درخواست دے سکتے ہیں۔

دوسری جانب ذرائع کا کہنا ہے کہ حسن نواز نے مریم نواز کو فون کیا ہے جس پر مریم نواز نے کہا تھا کہ نواز شریف کی باہر جانے کی تیاری مکمل ہے۔

پاکستان مسلم لیگ (ن) کی ترجمان مریم اورنگزیب نے سابق وزیراعظم محمد نوازشریف کی صحت کے حوالے سے بیان دیتے ہوئے یہ بھی کہا تھا کہ عدالتی فیصلے پر اللہ تعالی کا شکر ادا کرتے ہیں اور دعا کرتے ہیں کہ قائد محمد نواز شریف کو صحت کاملہ عطاء فرمائے جبکہ محمد نواز شریف کو علاج کے لیے بیرون ملک منتقل کرنے کی تیاریاں ہنگامی بنیادوں پر شروع کر دی گئی ہیں۔