ڈاکٹر فردوس عاشق اعوان نے کہا ہے کہ جمعیت علمائے اسلام ف کے سربراہ مولانا فضل الرحمان کا ’پلان بی‘ سیاسی بدحواسی کا منصوبہ ہے۔

تفصیلات کے مطابق وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے سما جی را بطے کی ویب سائٹ ٹوئٹرپر اپنے پیغام میں کہا ہے کہ مولانا فضل الرحمان کو سمجھ نہیں آرہا کہ وہ کیا کریں؟ ملک کو عدم استحکام سے دوچار کرنے کے سارے پلان ناکام ہوں گے۔

مولانا کا پلان (بی) سیاسی بدحواسی پلان ہے۔انہیں سمجھ نہیں آرہی وہ کیا کریں؟ملک کو عدم استحکام سے دوچار کرنے کے سارے پلان ناکام ہوں گے۔مولانا جمہوری اور عوامی پلان سامنے لائیں۔(پلان بی) کے تحت کوئی ایسا غیر ذمہ دارانہ اقدام نہ اٹھائیں جو آپ کی اپنی سیاسی عبرت کا باعث بن جائے۔

— Dr. Firdous Ashiq Awan (@Dr_FirdousPTI) November 13, 2019

فردوس عاشق نے کہا کہ مولانا جمہوری اورعوامی پلان سامنے لائیں اور پلان بی کے تحت کوئی ایسا غیر ذمہ دارانہ اقدام نہ اٹھائیں جو آپ کی اپنی سیاسی عبرت کا باعث بن جائے۔

ذرائع کے مطا بق گذشتہ دن معاون خصوصی فردوس عا شق نے کہا تھا کہ مولانا آپ اور آپ کے ہم نوا جبری تسلط کی منفی سوچ ترک کریں، جمہوری رویہ اپنائیں، آپ کو رنج ہے پہلی بار حقیقی عوامی راج کیوں قائم ہوا؟

انھوں نے کہا تھا کہ مولانا کی پریشانی ہے، عمران خان معیشت درست سمت لے جا رہے ہیں، عمران خان عوام کا روزگار چلانا چاہتے ہیں،مولانا کارکنوں کو اپنی پارلیمان جانے کی خواہش کی بھینٹ نہ چڑھائیں، کارکنوں کو بےموسم کے حوالے کرنے کے بجائے گھر واپسی کی آزادی دیں۔