مولانا فضل الرحمان نے کہا ہے کہ کم سے کم وزیر اعظم کا استعفی اور زیادہ سے زیادہ اسمبلیوں کی تحلیل چاہتے ہیں۔

اپنی رہائش گاہ پر میڈیا سے گفتگو کرتے ہوئے  مولانا صاحب کا کہنا تھا کہ اصلاحات کے بغیر تو الیکشن ہمیں بھی منظور نہیں اور ایسے الیکشن کا کیا فائدہ جس میں پھر ایک فوجی پولنگ کے اندر اور دوسرا باہر کھڑا ہو جبکہ موجودہ الیکشن ایکٹ پر بھی عمل کرلیا جائے تو نتائج بہتر ہوسکتے ہیں۔

انکا کہنا تھا کہ اے پی سی نے طے کردیا ہے کہ مارچ میں بیٹھے کارکن اب سب کے کارکن ہیں۔

آزادی مارچ کے شرکاء سے خطاب کرتے ہوئے مولانا فضل الرحمٰن نے کہا کہ تمام قیاس آرائیاں دم توڑ گئیں، مطالبات تسلیم نہ ہونے تک یا آل پارٹیز کانفرنس (اے پی سی) میں فیصلہ نہ ہونے تک دھرنا جاری رہے گا۔

امیر جے یو آئی (ف) نے کہا کہ آج پوری قوم ایک صف پر ہے، ان کا احترام کرنا ہوگا، ان حکمرانوں کو جانا ہوگا، قوم کے حق کو تسلیم کرنا ہوگا، ناجائز حکمران سے بات نہیں ہوگی۔

 اکرم درانی نے کہا کہ ہم آزادی مارچ کے بعد جیل بھرو تحریک شروع کرینگے، پوری اپوزیشن آئندہ کے لائحہ عمل کا فیصلہ کریگی اور لوگوں کے اتنے بڑے لوگوں پر طاقت کے استعمال کا کوئی سوچ بھی نہیں سکتا اور ہم اچھے لوگ ہیں ورنہ کنٹینرز اٹھاکر ان کے گھروں میں پھینک دیتے