فروغ نسیم کسی کیس کی پیروی نہیں کرسکتے، پاکستان بار کونسل

عروبہ خان

27th Nov, 2019. 06:34 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

فروغ نسیم کسی کیس کی پیروی نہیں کرسکتے، پاکستان بار کونسل

آرمی چیف کی مدت ملازمت میں توسیع کیس میں پاکستان بار نے فروغ نسیم کے روسٹرم پر آنے پر اعتراض اٹھا دیا۔

تفصیلات کے مطابق پاکستان بار کے وائس چیئرمین امجد شاہ نے کہا کہ بار فروغ نسیم کا لائسنس معطل کر چکی ہے جس کے بعد فروغ نسیم کسی کیس کی پیروی نہیں کرسکتے ہیںَ

چیف جسٹس آصف سعید کھوسہ نے آرمی چیف جنرل قمر جاوید باجوہ کی مدت ملازمت میں توسیع کے حوالے سے درخواست کی سماعت کی اس موقع پر گزشتہ روز مستعفی ہونے والے وفاقی وزیر فروغ نسیم آرمی چیف جنرل قمر جاوید باجوہ کے وکیل کی حیثیت سے عدالت میں موجود رہے۔

وزیر قانون فروغ نسیم اپنے عہدے سے مستعفیٰ

سماعت میں چیف جسٹس کا ان سے مکالمہ بھی ہوا، جسٹس آصف سعید کھوسہ نے انہیں مخاطب کرتے ہوئے کہا کہ فروغ نسیم صاحب آپ اپنا مسئلہ حل کر کے آئیں انہوں نے مزید کہا کہ فروغ نسیم صاحب ایسا نہ ہو کہ آپ کے مختار نامے پر سارا دن گزر جائے اور آپ کے وکالت نامے چکر میں نقصان فوج کا ہو، ہم سائیڈ ایشو پر دن نہیں گزار سکتے۔

دوسری جانب صدر مملکت ڈاکٹر عارف علوی نے وزیراعظم عمران خان کی تجویز پر فروغ نسیم کا وزیر قانون کے عہدے سے دیا گیا استعفیٰ منظور کرلیا۔

فروغ نسیم کی بطور وزیر قانون استعفیٰ منظوری کا نوٹیفکیشن بھی جاری کردیا ہے، جس کے مطابق استعفیٰ کا اطلاق 26 نومبر سے ہوگا۔