وزیرسائنس اینڈ ٹیکنالوجی فواد چوہدری نے فیس بک کےبانی مارک زکربرگ کی بہن کو پاکستان آنے کی دعوت دیتےہوئے کہاکہ  پاکستان میں رینڈی زکربرگ  کوخوش آمدید کہتےہیں اورمارک زکربرگ کےدورہ پاکستان کےمنتظرہیں۔

تفصیلات کے مطابق وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ پر فیس بک کے بانی مارک زکربرگ کی بہن رینڈی زکربرگ کو پاکستان میں خوش آمدید کہتے ہوئے کہا ہماراملک پاکستان خوبصورت ملک ہے، مارک زکربرگ کے دورہ پاکستان کے منتظرہیں۔

Welcome to Pakistan ⁦@randizuckerberg⁩ its a beautiful country of ours, looking forward for Mark Zuckerberg ⁦@finkd⁩ Pak visit,we have a huge respect for Zuckerberg family,your work in the tech world is certainly a leap forward for the mankind https://t.co/c1JpRaOWgZ

— Ch Fawad Hussain (@fawadchaudhry) December 7, 2019

فوادچوہدری کامزیدکہناتھاکہ زکربرگ فیملی کابہت احترام کرتےہیں، ٹیکنالوجی کی دنیامیں آپ کاکام انسانیت کوآگےلےکرگیا۔

واضح رہےکہ ایک تقیرب کے دوران فیس بک کےبانی مارک زکربرگ کی بہن رینڈی زکربرگ نےاپنےخطاب میں پاکستان کودوست ممالک قراردیااور پاکستانی خواتین کی تعریف بھی کی تھی ۔

رینڈی زکربرگ کا کہنا تھا کہ پاکستان نے ہمیں ملالہ یوسف زئی اور بے نظیر بھٹو جیسی خواتین دی ہیں، جس سے ثابت ہوتا ہے پاکستان ایک ایسا ملک ہے جو واقعی میں اپنی خواتین کی عزت کرتا ہے۔