آصف زرداری کی درخواست ضمانت، خصوصی میڈیکل بورڈ بنانے کا حکم

شبین رضا

04th Dec, 2019. 01:11 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

آصف زرداری کی درخواست ضمانت، خصوصی میڈیکل بورڈ بنانے کا حکم
ٹرمپ سے شہبازشریف کی اہم ترین ملاقات کل ہوگی ،وزیراعظم نے امریکی صدر کو امن کا داعی قرار دیدیا
شہباز شریف کی آسٹریا کے چانسلر سے ملاقات، مختلف شعبوں میں تعاون پر اتفاق
کمانڈر بحرین نیشنل گارڈ کا ایئر ہیڈکوارٹرز کا دورہ؛ پاک بحرین دفاعی تعاون مزید مستحکم کرنے پر اتفاق

Now Reading:

آصف زرداری کی درخواست ضمانت، خصوصی میڈیکل بورڈ بنانے کا حکم

اسلام آباد ہائیکورٹ نے سابق صدر آصف علی زرداری کی درخواست ضمانت پر ایم ایس پمز ہسپتال کو سابق صدر کے ذاتی معالج پر مشتمل نیا خصوصی میڈیکل بورڈ بنانے کا حکم دے دیا۔

تفصیلات کے مطابق خصوصی میڈیکل بورڈ بنانے کے حکم کے ساتھ ساتھ عدالت نے سماعت 11 دسمبر تک ملتوی بھی کر دی۔

ذرائع کے مطابق چیف جسٹس کی سربراہی میں 2 رکنی سپیشل بینچ نے آصف علی زرداری اور فریال تالپور کی درخواست ضمانت پر سماعت کی۔

وکیل فاروق ایچ نائیک کے ذریعے دائر الگ الگ درخواستوں میں وفاق اور نیب کو فریق بناتے ہوئے موقف اختیار کیا گیا کہ نیب کی جانب سے فراڈ کے الزام میں گرفتاری کو 5 ماہ سے زائد کا عرصہ گزر چکا ہے لیکن نیب کچھ ثابت نہ کرسکا اور درخواست گزار کو جیل حکام کے رحم و کرم پر نہیں چھوڑا جاسکتا۔

سابق صدرآصف زرداری سے متعلق کہا گیا درخواستگزار مختلف قسم کی بیماریوں کے شکار ہیں اور انہیں 24 گھنٹے طبی امداد کی ضرورت ہوتی ہے۔ استدعا ہے کہ عدالت طبی حالات کی سنگینی کے پیش نظر درخواست ضمانت منظور کرے۔

فریال تالپور کی درخواست میں موقف اختیار کیا گیا کہ وہ ایک سپیشل بچی کی ماں ہیں اور اس کی دیکھ بھال کیلئے ضمانت پر رہائی کی منظوری دی جائے۔

واضح رہے کہ سابق صدرآصف زرداری کی طرف سے 2 جبکہ فریال تالپور کی طرف سے ایک ریفرنس میں ضمانت بعداز گرفتاری کی درخواستیں دی گئی ہیں۔