پاکستان پیپلز پارٹی خواتین کی صدر اور آصف علی زرداری کی ہمشیرہ فریال تالپور کے جوڈیشل ریمارنڈ میں سات جنوری تک توسیع کر دی گئی ہے۔

تفصیلات کے مطابق سا بق صدرآصف علی زرداری کی ہمشیرہ فریال تالپور کی درخواست ضمانت بعد از گرفتاری پر سماعت آج ہوئی۔

ذرائع کے مطابق اسلام آباد ہائی کورٹ کے دو رکنی خصوصی بینچ نے کیس کی سماعت کی جس میں نیب سے جواب طلب کیا گیا،جوڈیشل ریمارنڈ میں سات جنوری تک توسیع کر دی۔

مریم اورفریال کےباہرجانے کے لئے کردی بڑی پیشگوئی

گزشتہ سماعت پرعدالت نے آصف علی زرداری کو طبی بنیادوں پر ضمانت دی تھی اور نیب نے فریال تالپور کی درخواست میں جواب جمع کرانے کے لیے مہلت طلب کی تھی۔

اس سے قبل فریال تالپور نے منی لانڈرنگ کے کیس میں ضمانت کیلئے دائر درخواست میں مؤقف اپنایا کہ میں اسپیشل بچی کی والدہ ہوں، اس کی دیکھ بھال کے لیے ضمانت منظور کی جائے۔

دوسری جانب سابق صدر آصف علی زرداری کی صحت میں بہتری آنا شروع ہو گئی ہے، ڈاکٹروں نے ان کے اہلخانہ اور دوستوں کو ملاقات کی اجازت دیدی ہے۔

واضح رہے کہ قومی احتساب بیورو نے عبوری ضمانت مسترد ہونے پر آصف علی زرداری کو 10 جون اور فریال تالپور کو 14 جون 2019 کو حراست میں لیا تھا۔

اسلام آباد ہائی کورٹ نے جعلی اکاؤنٹس کیس میں فریال تالپور کی ضمانت منظور کرتے ہوئے ان کی رہائی کا حکم بھی دے دیا۔

چیف جسٹس اطہر من اللّٰہ اور جسٹس عامر فاروق پر مشتمل 2 رکنی بنچ نے درخواست ضمانت کی سماعت کرتے ہوئے فیصلہ سنایا۔

عدالت عالیہ نے فریال تالپور کی جانب سے ایک کروڑ روپے کے ضمانتی مچلکے جمع کرانے کا حکم بھی دیا۔

کیس کی سماعت کے دوران قومی احتساب بیورو (نیب) کی جانب سے جواب جمع کرایا گیا۔

نیب نے دورانِ سماعت آصف علی زرداری کی ہمشیرہ فریال تالپور کی درخواستِ ضمانت کی مخالفت کی تھی۔