آئی ایس پی آر نے کہا ہے کہ ایل او سی پر بھارت کی بلااشتعال فائرنگ جاری ہے۔

سماجی رابطے کی ویب سائٹ پر ٹوئیٹ کرتے ہوئے ڈی جی آئی ایس پی آر میجر جنرل آصف غفور نے کہا ہے کہ ایل او سی پر فائرنگ کی صورت میں پاک فوج کی طرف سے بھی دشمن کو منہ توڑ جواب دیا گیا ہے۔

Intermittent CFVs by Indian Army continue along LOC, being befittingly responded. In response to CFV in Dewa Sector reports of damage to Indian posts and heavy casualties to Indian soldiers. No major exchange of fire in Kiran or Neelum valley as being propagated by Indian Media.

— DG ISPR (@OfficialDGISPR) December 21, 2019

پاک فوج کے ترجمان نے کے مطابق جوابی کارروائی میں کئی بھارتی فوجی مارے گئے، بھارتی چیک پوسٹوں کو نقصان پہنچا۔

ڈی جی آئی ایس پی آر نے کہا لائن آف کنٹرول پر بھارتی جارحیت کا منہ توڑ جواب دیا جارہا ہے جبکہ وادی نیلم اور کرن میں فائرنگ کا بھارت دعوٰی مسترد کردیا گیا ہے۔

دوسری جانب آزادجموں و کشمیر کے وزیراعظم راجہ فاروق حیدر خان اور صدر مسعود خان نے کنٹرول لائن پر بھارتی فورسز کی بلااشتعال فائرنگ کی نئی لہر کی شدید مذمت کی ہے ۔

بیانئیے کی جنگ میں پاکستان کی جیت، بھارت کی ہار

آزادجموں و کشمیر کے صدر نے ایک بیان میں کنٹرول لائن کے مختلف سیکٹرز میں بھارتی فوجیوں کی بڑھتی ہوئی دہشت گردی اور آزادکشمیر میں شہری آبادی کو نشانہ بنانے پر گہری تشویش کا اظہار کیا۔انہوں نے اسے ایک بزدلانہ اقدام اور مودی حکومت کی طرف سے مقبوضہ کشمیر اور بھارت کی بگڑتی ہوئی صورتحال سے عالمی برادری کی توجہ ہٹانے کی کوشش قرار دیا۔

آزاد جموں وکشمیر کی قانون ساز کونسل کے سپیکر شاہ غلام قادر، سابق وزیراعظم سردار عتیق احمد خان اور دیگر سیاسی رہنماؤں نے وادی نیلم میں کنٹرول لائن پر بھارتی فورسز کی بلااشتعال فائرنگ کی شدید مذمت کی ہے۔

انہوں نے ہفتے کے روز اپنے الگ الگ بیانات میں نوجوانوں کی شہادت اور لوگوں کے زخمی ہونے پر گہرے دکھ کا اظہار کیا۔

سپیکر شاہ غلام قادر نے اقوام متحدہ اور انسانی حقوق کی دیگر عالمی تنظیموں سمیت عالمی برادری پر زور دیا کہ کنٹرول لائن کے ساتھ خون ریزی کو روکنے کیلئے اپنا موثر کردار ادا کریں۔

سردار عتیق احمد خان نے بلااشتعال بھارتی فائرنگ کو جموں وکشمیر اور بھارت کی بگڑتی ہوئی صورتحال سے توجہ ہٹانے کی ایک کوشش قرار دیا۔