دعا منگی کے والد نے حکومت سندھ سے تاوان میں دی گئی رقم اور دیگر اخراجات طلب کرلئے ہیں۔

تفصیلات کے مطابق خاندانی ذرائع نے انکشاف کیا ہے کہ دعا منگی کی بقیہ تعلیم امریکہ میں ہونی ہے اوربازیابی کے لئے اغواکاروں کو تمام جمع پونجی دے دی گئی ۔

ذرائع کے مطابق دعا منگی کے والد نے حکومت سندھ سے تمام رقم کا مطالبہ کر دیا ہے تا کہ دعامنگی امریکا جاکر اپنی تعلیم مکمل کرسکے۔

خاندانی زرائع کے مطابق تاوان میں ادا کی گئی اصل رقم اور دیگر معاملات دعامنگی کے والد خفیہ رکھ رہے ہیں۔

دعا کے نام ہوٹل کا روم بک کرنیکا انکشاف

قابل ذکر با ت یہ ہے کہ حکومت سندھ سے رقم کے حصول کے لئے کچھ حکومت سندھ کی کچھ شخصیات شامل ہیں۔

یا د رہے کہ کراچی کے علا قت ڈیفنس سے اغوا ہونے والی دعا منگی کے کیس میں اغواکاروں کی گولی سے زخمی ہونے والے نواجوان حارث کے جسم سے گولی بھی نکال لی گئی ہے۔

طویل آپریشن کے بعد حارث کے جسم سے گولی نکالی گئی جو کہ دعا منگی کے اغوا کے وقت گولی لگنے سے زخمی ہو گیا تھا۔

حارث کے والد کا کہنا ہے کہ ڈاکٹرز نے حارث کے جسم سے گولی نکال تو لی ہے لیکن افسوس ناک خبر بھی سنائی ہے کہ حارث کا نچلا حصہ متاثر ہونے کا خدشہ ہے۔

دوسری جانب حارث کے والد نے مزید کہا کہ میرا بیٹا اب زندگی بھر اپنے پیروں پر کھڑا نہیں ہو سکے گا۔

واضح رہے کہ دعا منگی کو 30 نومبر کو کراچی کے علاقے ڈیفنس خیابان بخاری سے نامعلوم افراد نے اغوا کیا تھا جب کہ اس کے ساتھ موجود دوست حارث کو گولی مار کر زخمی کر دیا تھا، چند روز بعد دعا منگی اچانک گھر واپس پہنچ گئی، جس کے بعد معلوم ہوا کہ دعا کو بیس لاکھ روپے تاوان کی ادائیگی کے بعد چھوڑا گیا تھا