دنیا بھر میں نیوائیرنائٹ پرجوش وولوے کے اظہار کیلئےخصوصی انتظامات کیے جاتے ہیں، اس خاص موقع پر ڈانس پارٹیاں اورمحافل سجائی جاتی ہیں جس میں شراب نوشی کاکثرت سے استعمال کیاجاتا ہے۔ بدقسمتی سے پاکستان میں بھی یہ رجحان زور پکڑ چکا ہے خاص طور پرامیر گھرانوں کے نوجوانوں کا طبقہ اس سے شدیدمتاثر ہورہاہے۔

نوجوانوں کی نیوائیر نائٹ پارٹیوں میں ساؤنڈ پروف ہال کاانتظام آج کل عام طور پر مقبول ہے اور ساونڈ سسٹم بھی نصب کیے جاتے ہیں اس موقع پر شراب نوشی کرکےنشے میں دھت نوجوان ساری رات ناچتے ہیں۔ ان پارٹیوں کے انتظامات کے لئے آرگنائزر بھی میدان میں آگئے ہیں۔

نیوائیرنائٹ پرڈانس پارٹیوں کےانتظامات کےلیے جہاں زندگی کے مختلف شعبوں سے تعلق رکھنے والے بااختیار اور امیرافراد متحرک ہیں تو وہاں نجی تعلیمی اداروں میں پڑھنے والے طلباو طالبات کا کردار بھی کچھ کم نہیں۔ ایسےامیر زادےگھروں سے ملنے والے بھاری جیب خرچ کوان موقعوں پر بھرپور استعمال کرتے ہیں۔

حدتو یہ ہے کہ نیو ائیر نائٹ کے موقع پرمادرپدر آزاد، عیاش امراء کی جانب سے شہر کے مضافات میں فارم ہاؤسز کے علاوہ پوش علاقوں کے بڑے بنگلوں میں شراب و ڈانس پارٹیوں کی تیاریاں پہلے سےمکمل کرلی جاتی ہیں. ان موقعوں کیلئے متحرک بااختیار اور ہم خیال افراد کے گروپ بھی قائم ہیں۔

نوجوانوں کایہ گروپ نئے سال کی آمد پر پارٹی انتظامات چلاتاہے. مادرپدرآزاد نوجوان بڑے ہوٹلوں میں ڈانسنگ فلور تیار کرنے کے علاوہ ہوٹلوں کے ہالوں میں بھی پارٹیوں کا انتظام مکمل کرکے رکھتے ہیں۔

نجی یونیورسٹیوں میں طلباء و طالبات پیسے ملا کر کسی ہوٹل میں ہال کرائے پر لیکر مخلوط ڈانس پارٹیوں کے علاوہ ہوٹلوں کے سویٹ رومز میں بھی منی پارٹیوں کی تیاریاں کرتےہیں جس میں شراب اور چرس کا بے دریغ استعمال کیاجاتاہے.

سال نوکے موقع پر ہوٹل انتظامیہ بھی منہ مانگی دام پر شراب فراہم کرنے کی سہولت بھی دیتے ہیں .  اس مذموم کاروبار سے وابستہ افراد ایک مافیا کا روپ دھار چکے ہیں اوران پارٹیوں کا انتظام کرنے والے پیسے لے کر شراب کی فراہمی سمیت دیگراہتمامات بھی اپنے ہاتھ میں رکھتے ہیں۔