ڈی جی آئی ایس پی آر میجر جنرل آصف غفور نے کہا ہے کہ جو لوگ قیام پاکستان کی مخالفت کر رہے تھے انہیں آج احساس ہورہا ہے۔

تفصیلات کے مطابق ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پر قائداعظم کے یوم ولادت کے حوالے سے پیغام جاری کرتے ہوئے کہا کہ جو لوگ قیام پاکستان کی مخالفت کر رہے تھے انہیں آج احساس ہورہا ہے۔

Happy Birthday Father of the Nation, Quaid e Azam Muhammad Ali Jinnah. Can’t thank you enough for having got us Pakistan. Those who opposed then are realising now. For them it’s beginning afresh now.
Beginning of the …#QuaideAzam pic.twitter.com/Kr1gEjfMfz

— Asif Ghafoor (@peaceforchange) December 24, 2019

میجر جنرل آصف غفور نے مزید کہا کہ مخالفت کرنے والوں کیلئے یہ ایک نئی شروعات ہے۔

ڈی جی آئی ایس پی آرنے قائد اعظم کی سالگرہ کی مناسبت سے اپنی ٹوئٹ میں اُن کے اقوال پر مبنی تصویریں بھی شیئر کیں۔

واضح رہے کہ بابائے قوم قائداعظم محمد علی جناحؒ کا 144 واں یوم پیدائش آج 25 دسمبر کو انتہائی عقیدت واحترام اور ملی جوش وخروش سے منایا جا رہا ہے۔

 دن کا آغاز نماز فجر کے بعد خصوصی دعاﺅں سے کیا گیا ،جس میں قائداعظم محمد علی جناحؒ کی روح کے ایصال ثواب کیلئے فاتحہ خوانی اور دعائے مغفرت کی گئی۔

وفاقی دارالحکومت میں 31 جبکہ صوبائی دارالحکومتوں میں 21، 21 توپوں کی سلامی دی گئی۔

یوم قائداعظم کی مناسبت سے آج لاہور سمیت ملک بھر میں سیمینار، کانفرنسز اور مذاکروں کا اہتمام کیا جا رہا ہے جن میں بابائے قوم کی مسلمانان ہند اور پاکستان کے قیام کے لئے کی جانے والی انتھک اور ناقابل فراموش خدمات کے اعتراف کے طور پر خراج تحسین پیش کیا جا رہا ہے۔

بانی پاکستان محمد علی جناح کے 144 ویں یوم پیدائش کے موقع پر کراچی میں مزار قائد پر گارڈز کی تبدیلی کی پر وقار تقریب منعقد ہوئی، گارڈ کے دستے میں خواتین کیڈٹس بھی شامل تھی جبکہ پروقار تقریب میں قومی نغموں کی دھنیں بھی بجائی گئیں۔

تقریب کے مہمان خصوصی نے فاتحہ خوانی کی، پھول چڑھائے اور مہمانوں کی کتاب میں تاثرات بھی قلمبند کئے۔

 اس موقع پر صدرپاکستان عارف علوی اور وزیراعظم عمران خان کے پیغامات بھی پڑھ کر سنائے گئے۔