ایف آئی اےسائبرکرائم سندھ کےایڈیشنل ڈائریکٹرفیض اللہ کاریجو کاکہناہےکہ 2 ہزار 136 شکایات ثبوتوں کےساتھ ملی ہیں۔

تفصیلات کےمطابق رواں سال وفاقی تحقیقاتی ایجنسی (ایف آئی اے) کوخواتین کی ہراساں کرنےسے متعلق 7 ہزار سےزائد شکایات موصول ہوئیں ہیں۔موصول ہونےوالی زیادہ تر شکایات خواتین کوہراساں کرنے سے متعلق ہیں۔

ایف آئی اےسائبرکرائم سندھ کے ایڈیشنل ڈائریکٹر فیض اللہ کاریجو کا کہنا ہے کہ 2 ہزار 136 شکایات ثبوتوں کے ساتھ ملی ہیں۔ سنہ 2019 میں 450 انکوائریز کی گئیں جن پر 26 افراد کو گرفتار کیا گیا۔

فیض اللہ کامزیدکہناتھاکہ 60 کیسزپرتاحال تفتیش جاری ہے۔

ایڈیشنل ڈائریکٹرکےمطابق ایف آئی اےکوموصول ہونےوالی دوسرےنمبرپرسب سے زیادہ سائبر فراڈ کی شکایات ہیں۔

دوسری جانب پاکستانی کمیشن برائے انسانی حقوق کاکہناہےکہ پاکستان میں گزشتہ چندسالوں میں خواتین کے خلاف جرائم بشمول تشدد و زیادتی کے واقعات رپورٹ ہونے کی تعداد میں تشویش ناک اضافہ ہوچکا ہے۔

کمیشن کے مطابق سنہ 2004 سے 2016 تک 7 ہزار 7 سو 34 خواتین کو جنسی تشدد یا زیادتی کا نشانہ بنایا گیا۔

وزارت انسانی حقوق کی جانب سے جاری کردہ ایک اور رپورٹ کے مطابق صرف جنوری 2012 سے ستمبر 2015 کے عرصے کے دوران 344 اجتماعی یا انفرادی زیادتی کے واقعات پیش آئے۔