وزیراعظم عمران خان کی ترک  صدر  طیب اردگان  سے ملاقات ہوئی  ، جس میں میں دو طرفہ تعلقات اور خطے کی صورتحال پر تبادلہ خیال کیا گیا۔

ملاقات میں دونوں رہنماوں  نے پاک ترک تعلقات،مہاجرین کی صورتحال،مقبوضہ کشمیر کی صورتحال پر غور کیا گیا جبکہ اہم علاقائی اور عالمی امور پر بھی تبادلہ خیال کیا۔

اس موقع پر وزیر اعظم عمران خان نے مقبوضہ کشمیر پر پاکستانی موقف کی حمایت پر ترک صدر کا شکریہ ادا کیا اور آئندہ سال کے آغاز میں پاکستان میں منعقدہ ہائی لیول سٹریٹجیک کوآپریشن کونسل کے اجلاس کی اہمیت سے آگاہ کیا۔

جینیوا میں گلوبل پناہ گزین کی سائیڈ لائنز پر  ہونے والی اس ملاقات میں  وزیراعظم عمران خان نے طیب اردگان سے گفتگو کرتے ہوئے کہا کہ امت مسلمہ کو متحد دیکھنا چاہتا ہوں ۔

عمران خان  نے مقبوضہ کشمیر کے معاملہ ترکی کی مسلسل سپورٹ کو پاکستان قدر کی نگاہ سے دیکھتا ہے جبکہ مقبوضہ کشمیر پر او آئی سی کے رابطہ گروپ میں ترکی کا کردار قابل ستائش ہے۔

وزیر اعظم عمران  خان نے پناہ گزینوں کی سب سے بڑی آبادی کی میزبانی پر ترکی کے اقدامات کوسراہاتے ہوئے کہا کہ ترکی نے کشمیر کے معاملہ پر او آئی سی رابطہ گروپ میں فعال کردار ادا کیا جبکہ بین الاقوامی برادری پناہ گزینوں کی مہمان نوازی کرنے والے ممالک کی مدد کرے۔

پاکستان مہاجرین رکھنے والا دنیا کا دوسرا بڑا ملک

 دوسری جانب وزیراعظم عمران خان سے یو این ہائی کمشنر برائے انسانی حقوق کی  بھی ملاقات ہوئی۔

ملاقات جی آر ایف کی سائیڈ لائن پر جینیوا میں ہوئی  جس میں  وزیراعظم عمران خان نے  یو این ہائی کمشنر برائے  کو مقبوضہ کشمیر کی تازہ صورتحال سے آگاہ کیا۔

وزیراعظم عمران خان کا کہنا تھا کہ مقبوضہ کشمیر میں انسانی حقوق کی سنگین خلاف ورزیاں ہورہی ہیں، عالمی برادری کو مقبوضہ کشمیر کی صورتحال پر نوٹس لینا چاہیے۔

 واضح رہے اس سے قبل وزیراعظم عمران خان نے  مہاجرین کے مسائل سے متعلق ویڈیو بیان  میں کہا  تھا کہ پاکستان پچھلے چالیس برس افغان مہاجرین کو پناہ دیے ہوئے ہے جبکہ پاکستانیوں نے مہاجرین کو پناہ دینے کے سلسلے میں بڑے دل کا مظاہرہ کیا۔