مریم اورنگزیب نے کہا ہے کہ سیاسی انتقام اور حسد میں عمران خان نے ملک کا بیڑہ غرق کر دیا ہے۔

تفصیلات کے مطابق ترجمان مسلم لیگ ن مریم اورنگزیب کا اپنے حالیہ بیان میں کہناہے کہ سیاسی انتقام اور حسد میں وزیراعظم عمران خان نے ملک کا بیڑہ غرق کر دیا، کرپشن میں ڈوبی حکومت اور منصوبوں کیخلاف انکوائری روکنے کیلے نیب ترمیمی آرڈیننس لایا گیا۔

ذرائع کے مطابق مریم اورنگزیب کا اپنے بیان میں کہنا ہے ‎سلیکٹڈ حکومت سے کوئی ریلیف چاہئے نہ ہی اس کی ضرورت ہے، ن لیگ کی قیادت اور ہنماؤں کی بے گناہی عدالتوں میں ثابت ہوگئی۔

ترجمان مسلم لیگ ن نے کہا کہ ‎نیب قانون میں ترمیم سے ہمارا موقف سچ ثابت ہوا کہ نالائق اور نااہل حکومت ملک تباہ کر رہی ہے۔

نیب ترمیمی آرڈیننس پر سیاست افسوسناک ہے

لیگی مرکزی رہنما نے کہا کہ ‎ملک میں کاروبار، سرمایہ کاری اور صنعتیں بند ہیں، نیب نیازی گٹھ جوڑ نے ملک کی معیشت، کاروبار، عوام کا روزگار سب تباہ کر دیا ہے۔

دوسری جانب فردوس عاشق اعوان نے کہا ہے کہ عوام نے پاکستان تحریک انصاف کو مینڈیٹ دیا، اتحادیوں کے ساتھ مل کر عوامی مسائل حل کریں گے۔

معاون خصوصی برائے اطلاعات و نشریات ڈاکٹر فردوس عاشق اعوان نے اپنے ٹویٹ میں کہا کہ کراچی کے مسائل سیاسی جماعت کا اتحاد توڑنے سے نہیں کرپشن، لوٹ مار اور کمیشن سے اتحاد توڑنے پر حل ہوں گے، عوام اور سیاست کے میدان میں ناکام ہونے کے بعد سیاسی مخالفین چور دروازہ ڈھونڈ رہے ہیں۔

فردوس عاشق اعوان کا کہنا ہےکراچی کا اصل مسئلہ ایک دہائی سے سندھ پر مسلط کرپٹ ٹولہ ہے، جب تک وہ رہے گا سندھ اور کراچی کی قسمت نہیں بدلے گی، ان کی سیاہ حرکتوں کی وجہ سے پاکستان کے عوام نے ان سے سیاسی اتحاد توڑا۔

معاون خصوصی نے مزید کہا کہ وزیراعظم عمران خان نے قوم کو جوڑ توڑ اور لین دین کی سیاست سے پاک کر دیا، بلاول کو حقیقی جمہوری رویوں سے ثابت کرنا ہوگا کہ وہ ذوالفقار علی بھٹو اور بی بی شہید کی عوامی سیاست کے وارث ہیں۔