اسلام آبادہائیکورٹ کی جانب سےاپوزیشن کے آزادی کےدوران کنٹینرسے ٹکرا کر نوجوان کی ہلاکت کے معاملے پر درخواست قابل سماعت ہونے پر فیصلہ محفوظ کرلیاگیا۔

تفصیلات کے مطابق رہبرکمیٹی، جمعیت علمائے اسلام (ف) کے سربراہ مولانا فضل الرحمان، مسلم لیگ نواز کے صدر شہبازشریف، چیئرمین پاکستان پیپلزپارٹی (پی پی پی) بلاول بھٹو و دیگر کے خلاف اندراج مقدمہ کے لیے ہائیکورٹ میں دائر درخواست پر سماعت ہوئی۔

اسلام آبادہائی کورٹ کے جسٹس محسن اختر کیانی نے کیس کی سماعت کی جس کی درخواست راولپنڈی کے رہائشی اکرم چوہدری کی جانب سے دائر کی گئی۔
درخواست گزارکا مؤقف ہے کہ آزادی مارچ کےدوران چھ نومبر کو میرا بیٹا کنٹینر کے ساتھ ٹکرا کر ہلاک ہوا۔

درخواست میں موقف اختیارکیاگیاکہ بیٹا کنٹینر سےٹکرانےاور رات کو اسٹریٹس لائٹیں بند ہونے کی وجہ سے ہلاک ہوا۔

درخواست میں مزیدکہا گیا کہ بیٹے کی ہلاکت کی ذمہ داری آزادی مارچ انتظامیہ اور اسلام آباد انتظامیہ پرعائد ہوتی ہے۔

درخواست گزار نے استدعا کی ہے کہ ایس ایچ او تھانہ کراچی کمپنی کو اپوزیشن رہنماؤں، رہبر کمیٹی اور دیگر ذمہ داروں کے خلاف اندراج مقدمہ کا حکم دیا جائے۔

درخواست گزارکی جانب سے رہبر کمیٹی، مولانا فضل الرحمان، شہباز شریف، بلاول بھٹو، میر حاصل بزنجو، عثمان کاکڑ اور دیگر کو فریق بنایا گیا ہے۔