پاکستان پیپلز پارٹی (پی پی پی) کے  چیئرپرسن بلاول بھٹو زرداری نے اپنی بہن بختاور بھٹو زرداری کے ہمراہ پیر کو ہاکس بے بیچ پر 300 کے قریب ننھے کچھوؤں کو سمندر کے  پانی میں چھوڑ دیا۔

اس مو قع  پر بلاول بھٹو کا  کہنا تھا کہ، “ہمیں ان کچھوؤں کی  حفاظت کرنی چاہئے، انہوں نے مزید کہا کہ وہ یہ ظاہر کرنا چاہتے ہیں کہ وہ واقعی انواع کی پرواہ کرتے ہیں۔

انہوں نے ننھے کچھوؤں کی نرسری کا بھی دورہ کیا اور اس سہولت میں تعینات عملے سے ملاقات کی جو سالانہ ہزاروں ننھے کچھوؤں کو رہا کرتی ہے۔

بلاول نے محکمہ سندھ وائلڈ لائف کے عہدیداروں کو بتایا کہ وہ صوبائی حکومت سے محکمہ کو درپیش مسائل کو فوری طور پر حل کرنے کے لئے کہیں گے جس میں وسائل کی کمی اور ملازمین کی کمی شامل ہے۔ اس موقع پر وائلڈ لائف حکام کی جانب سے بلاول بھٹو کو بریفنگ بھی دی گئی۔

Advertisement

Bilawal Bhutto Zardari and Bakhtawar Bhutto Zardari release baby green sea turtles hatched at marine turtle conservation nursery of Sindh Wildlife Department. pic.twitter.com/P2nq0IKQlP

— Fazil Jamili (@faziljamili) December 16, 2019

حکام کا کہنا تھا کہ 34 سال سے سمندری کچھووں کے تحفظ کا کام کیا جا رہا ہے۔ ہرسال اکتوبر سے نومبر کے دوران کچھوے انڈے دینے کے لئے ساحل پر آتے ہیں۔ انڈوں سے بچے نکلنے کے بعد محکمہ جنگلی حیات ان کی دیکھ بھال کرتا ہے جس کے بعد بچوں کو سمندر میں چھوڑ دیا جاتا ہے۔