سابق وزیراعظم کے ذاتی معالج ڈاکٹر عدنان نے کہا ہے کہ مسلم لیگ ن کے صدر اور سابق وزیر اعظم نواز شریف کی دماغ اور دل کی خون شریانوں کافی حد تک سکڑنا شروع ہو گئیں ہیں  ، جس کی وجہ سے انہیں ہارٹ اٹیک کا خطرہ ہے ۔

تفصیلات کے مطابق لندن  میں آج میاں نواز شریف کو  چیک اپ   کے لئے رائل برومپٹن ھسپتال لے جا یا گیا جہاں  ان  کے خون کے مکمل  ٹیسٹ کیے گئے۔

نواز شریف کے زاتی معالج ڈاکٹر عدنان کے مطابق میاں نواز شریف کے دل کا چیک اپ کیا گیا اور وہ اس وقت شدید دل کی بیماری   سے دو جار ہیں۔

ڈاکٹرعدنان کا کہنا تھا کہ سابق وزیر اعظم نوازشریف کو دل کے دورے کا خطرہ ہے کیونکہ شریان میں پیچیدگی کی وجہ سے انہیں انجائنا کے درد کی شکایت ہے۔

اسپتال ذرائع کا کہنا ہے کہ  نوازشریف کےدل کوخون پہنچانےوالی شریان سکڑگئی، خون کی روانی کو برقراررکھنےکیلئے’’کورنری انٹروینشن‘‘ کی ضرورت ہے اور اگر علاج کامیاب نہ ہوا تو مسلم لیگ ن کے تاحیات صدر کا بائی پاس کیا جائے گا۔

نواز شریف کو فالج ہونے کا خطرہ ہے، ڈاکٹر عدنان

ذرائع کا کہنا تھا کہ میاں نواز شریف کا امریکہ روانگی کے بارے میں ابھی کوئی حتمی فیصلہ نہیں کیا گیا  جبکہ اعجاز گل ناصر بٹ ڈاکٹر عدنان اور حسین نواز ان کے ہمراہ ھسپتال میں میاں نواز شریف کے ساتھ ساتھ موجود رہے ۔

واضح رہے  اس سے قبل بھی  وزیراعظم کے ذاتی معالج ڈاکٹر عدنان نے نواز شریف کے صاحبزادے حسین نواز کے ہمراہ لندن میں صحافیوں سے غیر رسمی گفتگو کرتے ہو ئے کہا  تھا کہ  نواز شریف کی صحت ابھی تک تشویش ناک ہے، انکی  طبعیت کو ٹھیک نہیں کہا جاسکتا۔

ڈاکٹر عدنان نے کہا تھا کہ نواز شریف کو فالج ہونے کا شدید خطرہ ہے اور انکا علاج کب تک چلے وقت کا تعین نہیں کیا جا سکتا۔

سابق وزیراعظم کے ذاتی معالج ڈاکٹر عدنان نے مزید کہا  تھا  کہ پلیٹ لیٹس کو مستحکم رکھنے کے لئے ادوایات دی جا رہی ہیں جبکہ نواز شریف کی موجودہ میڈیکل صورتحال کی وجہ میں ایک بڑی وجہ ان کے ساتھ ڈیڑھ سال تک جیل میں رکھا گیا سلوک بھی ہے۔