وزیراعظم کی معاون خصوصی ڈاکٹر فردوس عاشق اعوان نے کہاکہ اےاین ایف راناثناکی رہائی کےتفصیلی فیصلےکیخلاف اپیل دائرکرےگی، سابق وزیرقانون پنجاب کے کیس میں ملزم کانہیں اے این ایف کا ٹرائل ہورہاہے، بدقسمتی سے میڈیا نے مسلسل اے این ایف کونشانہ بنایا۔

ڈاکٹرفردوس عاشق اعوان نے کہا کہ اے این ایف سے متعلق ذاتی دشمنی کاتاثر دیا جارہا ہے۔ اےاین ایف قومی ادارہ ہے اسلیے نظر ثانی درخواست پبلک مفادمیں کی جا رہی ہے۔

معاون خصوصی کاکہناتھا کہ راناثنا اللہ سےسیاسی انتقام کاتاثر قائم کیاگیا، ان افراد کو عوام عہدوں کیلئے نااہل قراردیا جائے، نقائص کی درسگتی کیلئےنظرثانی درخواست دائرکرنےکا فیصلہ کیاگیاہے۔

انہوں نے مزید کہاکہ جسمانی ریمانڈاس کالیاجاتاہےجس سےریکوری کرنی ہو،تصدیق کیلئےسیمپل چندگرام کاہی بھیجا جاتاہے۔

واضح رہے کہ لاہورہائیکورٹ نےمسلم لیگ ن کے مرکزی رہنما رانا ثناء اللہ کی ضمانت سے متعلق تحریری فیصلہ جاری کر دیا۔

سابق وزیر قانون پنجاب رانا ثناء اللہ کی درخواست ضمانت کا فیصلہ لاہور ہائیکورٹ کےجج جسٹس چوہدری مشتاق احمد نے جاری کیا ہےجوکہ9 صحفات پر مشتمل ہے۔

عدالتی تحریری فیصلےمیں لکھا گیا ہے کہ رانا ثناء اللہ کے شریک ملزم کی ٹرائل کورٹ میں ضمانت ہو چکی ہے، استغاثہ نے شریک ملزموں کی ضمانت منظوری کو ہائیکورٹ میں چیلنج نہیں کیا۔

فیصلے میں یہ بھی لکھا گیا ہے کہ رانا ثناء اللہ پر 15 کلو ہیروئن رکھنے کا مقدمہ بنایا گیا لیکن ان کا جسمانی ریمانڈ ہی نہیں لیا گیا،ملزم کی 10، 10 لاکھ روپے کے دو ضمانتی مچلکوں کے عوض ضمانت منظور کی گئی ہے۔

رانا ثناء اللہ کی ضمانت منظور

انسداد منشیات کورٹ لاہور میں مچلکے جمع ہوگئےجس کے بعدرانا ثناء اللہ کی رہائی کا روبکار جاری ہوگا۔

خیال رہے کہ دو روز قبل لاہورہائیکورٹ کی جانب سےمنشیات برآمدگی کیس میں گرفتار پاکستان مسلم لیگ ن کے رہنما اور سابق وزیرقانون پنجاب رانا ثناء اللہ کی ضمانت منظور کی تھی۔