ڈیفنس میں ٹریفک وارڈن کو’دو ٹکےکاآدمی ‘ کہنےوالی خاتون نےاپنابیان قلمبند کرادیا۔خاتون کاکہناہےکہ وہ ذہنی دباؤ کا شکار تھیں اور اس وقت انکابلڈپریشر بھی نارمل نہیں تھا۔

ڈیفنس کے علاقے خیابان شہباز پر ساحل ٹریفک سیکشن کے ایس او سب انسپکٹر نواز سیال سے گاڑی روکنے پر طوفان بدتمیزی مچانے والی اوربغیرچالان کروائے فرار ہونے والی خاتون ثنا آفتاب نے کراچی کے درخشاں تھانے میں پولیس کو اپنا بیان قلمبند کروا دیا جب کہ وہ چند روز قبل ضمانت قبل از گرفتاری بھی کرواچکی ہیں۔

ایس آئی اوچوہدری امانت کاکہنہاے کہ خاتون پہلے ہی ضمانت قبل از گرفتاری حاصل کر چکی ہیں اور انھوں نے اپنے بیان مین یہی بتایا کہ وہ ذہنی دباؤ کا شکار تھیں ان کا بلڈ پریشر ہائی تھا جس کی وجہ سے یہ واقعہ پیش آیا۔

خاتون نےتھانےکےباہر میڈیا سے بات چیت بھی کی۔ انہوں نے میڈیاپر بتایا کہ میں ایک نجی اسپتال جارہی تھی، میں نے سگنل توڑا انھوں نے مجھے روکا میں رک گئی چاہتی تو بھاگ بھی سکتی تھی، پولیس افسر نے کہا کہ آپ نے سگنل توڑا ہے چالان ہوگا جس پر میں نے کہا کہ ٹھیک ہے آپ میرا چالان کر دیں مجھے اسپتال جانا ہے۔

Advertisement

Look at the attitude of this woman with traffic police. She broke the signal and then she kept abusing the officers even on camera. She shouldn’t have been only given ticket, she must be charged to assault the officers during duty. No one is above the law! pic.twitter.com/9b73gqeWXY

— Shama Junejo (@ShamaJunejo) November 26, 2019

خاتون ثناآفتاب نے ٹریفک پولیس افسر پرالزام عائد کیا کہ انھوں نے میرا ہاتھ پکڑا جس پر مجھے غصہ آگیا اور ویسے ہی میرا بلڈ پریشر بڑھا ہوا تھا جس کے باعث میں اپنے غصے پر قابو نہ رکھ سکی اور بدتمیزی سے پیش آئی۔

خاتون کا مزید کہنا تھاپولیس افسر میرے والد کی عمر کے تھے مجھے ان کو اس طرح سے نہیں بولنا چاہیے تھا لیکن انھوں نے اس طرح کی حرکت کی تو مجھے اس طرح سے پیش آنا

پڑا۔

واضح رہے کہ چند دنون پہلےسگنل توڑنے پرخاتون کوٹریفک وارڈن نے روکا تھاجس پر وہ آپ سے باہر ہوگئیں تھیں۔