شیخ رشید کا کہنا ہے کہ آصف زرداری جیل کاٹ سکتے ہیں مگر نواز شریف نہیں،کوئی مائنس فارمولہ نہیں ہوگا، نواز شریف اور زرداری کی کوئی سیاست نہیں دیکھ رہا۔

تفصیلات کے مطابق وفاقی وزیر ریلوے شیخ رشید نے پریس کانفرنس کرتے ہوئے کہا کہ کراچی ریلوےمیں بہتری کے لیے ٹینڈر کیے گئے، مہنگائی اور بیروزگاری کم کرنا ہمارے لیے بڑا چیلنج ہے، کراچی سرکلر ریلوے کا 38 کلو میٹر کا ٹریک خالی کروا دیا، موجودہ حکومت اپنے 5 سال پورے کرے گی۔

شیخ رشید کی سرگودھا آمد پر انڈے سے استقبال

ذرائع کے مطابق شیخ رشید نے کہا ہے کہ مولانا سے دسمبر کے بعد بات کروں گا، سفید اور کالے کوٹ کی لڑائی میں کالے کوٹ کو ندامت ہوئی، اسپتالوں پر پڑھا لکھا طبقہ حملہ نہیں کر سکتا۔ پی آئی سی واقعے سے وکلا کا اپنا امیج تباہ ہوا۔

وزیرریلوے نے کہا کہ آرمی چیف کی ایکسٹینشن سے متعلق جلد فیصلہ ہوجائے گا، پی آئی سی واقعے پر کالے کوٹ کو بڑی ندامت اٹھانی پڑی۔

پیسے لے کر مولانا کو جانے دیا جائے، شیخ رشید

وفاقی وزیر نے مزید کہا کہ مارچ تک نیب کو بہت ساری رقم پلی بارگین کی شکل میں ملے گی، یہ سیاستدان نہیں بلکہ یہ حادثوں کی پیداوار ہیں، الیکشن کمیشن پر اپوزیشن سے مل بیٹھ کر بہتر فیصلہ کریں گے، مولانا فضل الرحمٰن سے دسمبر کے بعد بات کروں گا۔ بہت سارے لیڈر نئے سال کا آغاز لندن میں کر رہے ہیں۔