مسلم لیگ ن آج خیبرپختونخوا میں سیاسی میدان سجاکر پا ور شو کرے گی۔

تفصیلات کے مطابق پاکستان مسلم لیگ ن آج خیبرپختونخوا میں سیاسی میدان سجائے گی جہاں سینئر لیگی رہنما احسن اقبال سمیت دیگر رہنما بھی خطاب کریں گے۔

ذرائع کے مطابق مسلم لیگ ن خیبرپختونخواہ کے زیراہتمام سوات کے علاقے خوازہ خیلہ میں آج جلسے کی تیاریاں مکمل کرلی گئی ہیں۔

دوسری جانب ترجمان مریم اورنگزیب کا کہنا ہے کہ مسلم لیگ ن کے قائدین جلسے میں اہم اعلانات کریں گے، جلسہ نالائق اور نااہل حکومت کے خلاف خیبرپختونخوا کے عوام کا ریفرنڈم ہوگا۔

مریم اورنگزیب نے کہا کہ نااہل حکمران چاہتے ہیں کہ وہ ملک وقوم کا بیڑہ غرق کرتے رہیں اور کوئی نہ بولے، سیاسی انتقام پر مبنی جھوٹے مقدمات کے ذریعے ہراساں کیا جا رہا ہے۔

ذرائع کے مطابقسابق امیدوار صوبائی اسمبلی پی کے تین محبوب الرحمن ن لیگ میں ہزاروں ساتھیوں سمیت شمولیت کریں گے۔گزشتہ انتخابات میں محبوب الرحمان نے دس ہزار کے قریب ووٹ حاصل کئے تھے۔

واضح رہےکہ سپریم کورٹ میں مسلم لیگ ن کے رہنما اور سابق وفاقی وزیر خواجہ سعد رفیق اور ان کےبھائی سلمان رفیق کی درخواست ضمانت سماعت کے لیے مقرر کردی گئی ہے۔

اپوزیشن جماعت ن لیگ کے سینئر رہنماؤں کی درخواست ضمانت پر جسٹس اعجاز الاحسن اور جسٹس امین الدین پر مشتمل 2 رکنی بینچ پیر 23 دسمبر کو سماعت کرے گا۔

مسلم لیگی رہنما سعد رفیق اور سلمان رفیق کے وکیل اشتر اوصاف اور قومی احتساب بیورو پراسیکیوٹر کو نوٹس جاری کردیے گئے۔

11 دسمبر 2018 کو لاہور ہائیکورٹ نے پیراگون ہاؤسنگ اسکینڈل کے سلسلے میں مسلم لیگ ن کے رہنماؤں خواجہ سعد رفیق اور خواجہ سلمان رفیق کی درخواست ضمانت مسترد کی تھی، جس کے بعد نیب نے دونوں بھائیوں کو گرفتار کرلیا جو تاحال حراست میں ہیں۔شاہ

محمود قریشی کا لائن آف کنٹرول کی صورتحال پر اظہار تشویش

خواجہ سعد رفیق اور ان کے بھائی خواجہ سلمان رفیق کے خلاف نیب کی تین رکنی تحقیقاتی ٹیم پیراگون ہاؤسنگ سوسائٹی میں مبینہ طور پر کی جانے والی کرپشن کی تحقیقات کر رہی ہے۔