فردوس عاشق اعوان اِن ہاؤس تبدیلی کی بات کرنے پر مسلم لیگ کے صدر شہباز شریف پر برس پڑیں۔

تفصیلات کے مطابق سماجی رابطےکی ویب سائٹ ٹوئٹر پر اپنے ایک بیان میں وزیراعظم کی معاون خصوصی برائے اطلاعات فردوس عاشق اعوان نے کہا کہ ان ہاؤس تبدیلی کا بیان بلی کے خواب میں چھیچھڑے کے مترادف ہے۔

شہباز شریف پہلے اپنی پارٹی میں ان ہاؤس تبدیلی لائیں پھر پارلیمان میں تبدیلی کی بات کریں۔ن لیگ کے صدر شہباز شریف ہیں لیکن فیصلے ان کی جگہ کوئی اور کرتا ہے۔کٹھ پتلی صدر ہونے سے بہتر ہے کہ پہلے اپنی پارٹی کے حقیقی صدر تو بن جائیں۔

— Dr. Firdous Ashiq Awan (@Dr_FirdousPTI) December 5, 2019

فردوس عا شق نے کہا کہ ن لیگ کے صدر شہباز شریف ہیں لیکن فیصلے کوئی اور کرتا ہے، لہذا پہلے شہباز صاحب اپنی پارٹی کے اندر اِن ہاؤس تبدیلی لے آئیں۔

معاون خصوصی کا کہنا ہے کہ کٹھ پتلی صدر سے بہتر ہے کہ پہلے وہ اپنی پارٹی کے حقیقی صدر بن جائیں، حکومت میں اِن ہاؤس تبدیلی کی شوبازی نہ کریں۔

ان ہاؤس تبدیلی کا بیان بلی کے خواب میں چھیچھڑے کے مترادف ہے۔ ان حسرتوں کے لئے ان سے ہمدردی ہی کی جاسکتی ہے۔ ان ہاؤس تبدیلی کی شوبازی نہ کریں، پارلیمان میں آکر قانون سازی کی ذمہ داری پوری کریں۔

Advertisement

— Dr. Firdous Ashiq Awan (@Dr_FirdousPTI) December 5, 2019

وفاقی وزیر نے کہا کہ شہباز شریف پارلیمان میں آکر قانون سازی کی ذمے داری پوری کریں، چیئرمین سینیٹ کی تبدیلی کے معاملے میں اپوزیشن کو جس ہزیمت کا سامنا کرنا پڑا ، شہباز شریف وہ شاید بھول گئے ہیں۔

فردوس عاشق اعوان نے مزید کہا کہ بلاول بھٹو اور مولانا بھی پارلیمان کی بالادستی کے اپنے دعوؤں پر عمل کریں اور پارلیمان میں قانون سازی سے متعلق اپنی جماعتوں کو یرغمال نہ بنائیں۔