وزیراعظم عمران خان کے بھانجے اور پی آئی سے واقعہ میں مبینہ طور پر ملوث پائے جانے والے بیرسٹرحسان نیازی نے کہاہے کہ پولیس کے پاس میرے خلاف کوئی بھی ثبوت نہیں پھر بھی میڈیا نے ساری دنیا کے سامنے میرے کپڑے اتاردیے اور مجھے مجرم بنا کرپیش کیا گیا۔

وزیراعظم کے بھانجے نے لاہور میں پریس کانفرنس کرتے ہوئے کہاہے کہ عمران خان کا بیٹا ہو یا بھانجا سب قانون سے نیچے ہیں ،میری تصویوں پر دائرے لگا لگا کر دکھایا گیا، میرا کرئیر تباہ کرنے کی کوشش کی گئی، کیا میری اپنی کوئی اوقات نہیں،مجھے بھگوڑا کہا جا رہا ہے۔

حسان نیازی کاکہناتھا کہ پولیس نے پرامن احتجاج کی اجازت دی تھی،میں اس احتجاج کا حصہ بنا، پی آئی سی واقعے میں ملوث افراد کوکیفرکردار تک پہنچایا جائے۔

انہوں نے کہاکہ دو کمیونٹی کاآپس میں تصادم ہورہاہےاور اس پرسیاست کیا جاناشرمناک ہے، دنیا کے کونے کونے سے مجھے گالیاں پڑ رہی ہیں، ڈاکٹروں کوپکڑنے کی کوشش نہیں کی گئی صرف وکلا پر انگلی اٹھائی گئی۔

حسان نیازی نے پریس کانفرنس کے درمیان آبدیدہ ہوتے ہوئے کہاکہ وزیراعظم کوخود رپورٹ دوں گا کہ ہماری پی ٹی آئی کی حکومت نے اس سارے واقعے میں کیاکردار ادا کیا۔

انہوں نے کہاکہ واقعےکےدن پی آئی سی میں موجود تھامجھےپرامن احتجاج کی اجازت پولیس نے دی،مجھے نہیں پتہ تھا کہ وہاں ہنگامہ آرائی ہوجائے گی، میرا قصور یہ ہے کہ میں عمران خان کا بھانجھا ہوں۔

حسان نیازی کاکہناتھا کہ میرا میڈیا ٹرائل ہوا، مجھے میڈیا نے سزائے موت سنادیا، وہ ویڈیو دکھائیں جس میں مریض کے منہ سے ماسک اتارا گیا۔ جس وکیل نے وین چلائی اور توڑ پھوڑ کی اسکے خلاف کاروائی ہونے چاہیے، اب بھی یہی کہوں گا جو ملوث ہیں انہیں کیفر کردار تک پہنچایا جائے۔

انہون نے کہاکہ میڈیا کی ذمہ داری ہے کہ پوری فوٹیج دکھائے،کیااب  اس واقعہ میں انصاف ہوگا؟  میں نے وزیراعلیٰ کو کئی مرتبہ پیغام بھجوایا کہ لاء منسٹر اور وزرات صحت کو بٹھائیں،میں عمران خان کو خود رپورٹ دوں گا کہ پنجاب حکومت کا کیا کردار تھا، مانتا ہوں کہ میں نےدروازہ کھولا۔ دروازہ کھولاتودیکھا کہ اندر کوئی نہیں تھا۔ پی آئی سی میں وکیلوں کے اندر انتشار پھیلانے کے لیے کوئی شخص موجود تھا لیکن تحقیقات نہیں کی گئیں۔

حسان نیازی نے کہاکہ وکیل اور ڈاکٹرزایشو کو حکمت کے ساتھ حل کریں، اس وقت پوری دنیا مجھ سے نفرت کر رہی ہے،میں نے خدیجہ صدیقی اور قصور کیس لڑا، میں نے انسانیت کے لیے ہر پلیٹ فارم پر آواز اٹھائی، مجھے بگوڑا کہتے ہیں میں نے صلاح الدین کا کیس لڑا۔

پریس کانفرنس کے دوران وزیراعظم کے بھانجے کامزید کہناتھاکہ میں اپنے سئنیر وکلا کے ساتھ ہوں ، پی آئی سی واقعہ نہیں ہونا تھا۔

حسان نیازی کے مطابق  یہ ایف آئی آر قوم کے ساتھ دھوکا ہے، اس کی کوئی اہمیت نہیں ہے،مجھ پر اتنا بڑا الزام لگا دیا میرا موقف تو سن لیتے، جو ملوث ہے اسکو ڈی چوک میں لٹکائیں۔

 حسان نیازی کاکہناتھا کہ جن لوگوں نے میری کردارکشی کی انکے خلاف قانونی چارہ جوئی کروں گا، میں نےخود کو تفتیش کے لیے پیش کیا، میں نے وزیراعظم کو اپروچ کرنے کی جرات نہیں کی۔ مجھے کلین چٹ مل گئی ہے اب میں صاف ہاتھوں کے ساتھ وزیراعظم کو رپورٹ دوں گا۔