وزیراعظم عمران خان نے کہا ہے کہ جنگ کسی کے بھی مفاد میں نہیں، خطے میں تنازع سےپاکستان کو بہت نقصان ہوا ہے، پاکستان خطے میں مزید کسی جنگ کا حصہ نہیں بنے گا۔

تفصیلات کے مطابق وزیراعظم عمران خان سے عمانی وزیر مذہبی امور سلطان قابوس بن سید کی ملاقات ہوئی ،جس میں مشرق وسطیٰ کی تازہ صورتحال پر بھی بات چیت ہوئی ۔

وزیراعظم نے سلطان قبوس بن سید کیلئے نیک خواہشات کا اظہار کرتے ہوئے کہا  کہ پاکستان اورعمان مختلف شعبوں میں تعاون بڑھا سکتے ہیں۔

اس موقع پر  وزیراعظم عمران خان نے مقبوضہ کشمیرمیں بدترین انسانی صورتحال سےعمانی وزیرکوآگاہ کرتے ہوئے کہا کہ مقبوضہ کشمیر میں5 ماہ سے بدترین لاک ڈاؤن جاری ہے، عالمی برادری کو صورتحال سے نمٹنے کے لیے اقدامات کرنا ہوں گے ۔

عمران خان نے کہا کہ ایران امریکاکشیدگی کم کرنے کی کوشش کی، ایران اورسعودی عرب تنازعات ختم کرنےکیلئےبھی کوششیں کی، پاکستان ہمیشہ امن کا پارٹنر بنے گا اور امن کےفروغ،تنازعات کے خاتمے کیلئےکردار ادا کرے گا۔

ہنرمند پاکستان منصوبے کی منظوری، افتتاح کل ہوگا

وزیراعظم عمران خان نے عمانی وزیر مذہبی امور سے ملاقات میں مشرق وسطیٰ کی کشیدہ صورتحال پر اظہار تشویش کرتے ہوئے کہا جنگ کسی کے بھی مفاد میں نہیں ، پاکستان خطے میں مزید کسی جنگ کا حصہ نہیں بنے گا۔

اس سے قبل  وزیراعظم عمران خان سے گورنر سندھ عمران اسماعیل کی ملاقات ہوئی  تھی ، جس میں سندھ کی سیاسی صورتحال پر بھی گفتگو کی گئی۔

ملاقات میں گورنر سندھ نے وزیراعظم کو سندھ میں وفاقی ترقیاتی کاموں پر پیش رفت  اور صوبے میں امن و امان سے متعلق  آگاہ کیا جبکہ ایم کیو ایم کے تحفظات اور مطالبات پر بھی بات چیت ہوئی تھی ۔

وزیراعظم نے ملاقات میں  گورنر سندھ سے  گفتگو کرتے ہوئے کہا تھا کہ سندھ کے حالات انتہائی خراب ہیں مجھے اس بات کا اندازہ ہے،سندھ کے حوالے سے وفاقی حکومت جلد پیکج دے گی۔