وزیر اعظم عمران خان کا کہنا ہے کہ آر ایس ایس نظریہ نسلی برتری، مسلمانوں اور اقلیتوں سے نفرت کی بنیاد پر قائم ہے۔

سماجی رابطے کی ویب سائٹ ٹوئیٹر پر جاری بیان میں وزیر اعظم عمران خان کا کہنا تھا کہ آر ایس ایس کے انتہاپسند نظریے نے جوہری ملک کے ایک ارب لوگوں کو یرغمال بنا لیا ہے۔

انہوں نے کہا کہ جب بھی یہ جن بوتل سے باہر آئے گا تو اس سے بہت خون خرابہ ہوگا۔

An extremist ideology RSS has taken over a nuclear-armed country of over a billion people. It is an ideology based on racial superiority & hatred of Muslims & all minorities. Whenever this genie has come out of the bottle, it has always led to bloodshed. https://t.co/GKrGZSabiE

Advertisement

— Imran Khan (@ImranKhanPTI) January 11, 2020

دوسری جانب وزیر اعظم نے عمان کے سلطان قابوس کے انتقال پر عمانی عوام سے اظہار تعزیت بھی کیا  ۔

وزیر اعظم نے کہاسلطان قابوس ایک دانا شخصیت تھے جنہوں نے عمان کو ایک جدیدریاست کی صورت میں ڈھالا۔

عمران خان کا مزید کہنا تھا کہ سلطابن قابوس کی رحلت سے  جہاں عمان نے اپنا عزیز قائد کھویا ہے وہیں پاکستان  بھی ایک با اعتماد قریبی دوست سے محروم ہوگیا ہے ۔اللہ کریم ان پر ابدی سکون  نچھاور کریں۔

Advertisement

عزت مآب سلطان قابوس بن سعید آل سعید کی رحلت پر اومان کے عوام سےتعزیت کا اظہار کرتے ہیں۔ وہ ایک دانا شخصیت تھے جنہوں نے اومان کو جدیدریاست کیصورت میں ڈھالا۔ انکی رحلت سےاومان نےاپناعزیز قائد کھویاتوپاکستان ایک بااعتمادقریبی دوست سےمحروم ہوگیا۔اللہ کریم ان پرابدی سکون نچھاور کریں۔

— Imran Khan (@ImranKhanPTI) January 11, 2020

واضح رہے کہ اس سے قبل وزیراعظم عمران خان نے گذشتہ روز کوئٹہ  میں مسجد میں ہونے والے دھماکے کی رپورٹ طلب کرتے ہوئے حکام  کو بزدل دہشت گردوں کوجلد کیفر کردار تک پہنچا نے کا حکم دیاہے۔

اپنے پیغام میں وزیراعظم کا کہناتھا کہ  میں نے کوئٹہ کی مسجد میں بارگاہِ الہٰی میں سجدہ ریز نمازیوں پر بزدلانہ دہشت گرد حملے کی فوری رپورٹ طلب کی ہے۔

کوئٹہ سیٹلائٹ ٹاون میں زور دار دھماکہ، ڈی ایس پی امان اللہ شہید

اس کے ساتھ میں نے صوبائی حکومت کوزخمیوں کاعلاج معالجہ یقینی بنانےکی بھی ہدایات دی ہیں۔

میں نے کوئٹہ کی مسجد میں بارگاہِ الہٰی میں سجدہ ریز نمازیوں پر بزدلانہ دہشت گرد حملے کی فوری رپورٹ طلب کی ہے۔اسکے ساتھ میں نے صوبائی حکومت کوزخمیوں کاعلاج معالجہ یقینی بنانےکی بھی ہدایات دی ہیں۔ حملے میں جام شہادت نوش کرنے والے ڈی ایس پی حاجی امان اللہ ایک جری اور مثالی افسر تھے۔

— Imran Khan (@ImranKhanPTI) January 11, 2020

انہوں نے واقعے میں شہید پولیس افسرکو خراج تحسین پیش کرتے ہوئے کہاکہ  حملے میں جام شہادت نوش کرنے والے ڈی ایس پی حاجی امان اللہ ایک جرات مند اور مثالی افسر تھے۔

خیال رہے کہ کوئٹہ کے علاقے سیٹلائٹ ٹاؤن میں گذشتہ روز دھماکے کی ایف آئی آر درج کر لی گئی ہے جس میں اقدام قتل، دہشت گردی اور دیگر دفعات شامل کی گئی ہیں۔

ڈی آئی جی کوئٹہ عبدالرزاق چیمہ کاکہناہے کہ واقعے کا مقدمہ سی ٹی ڈی کی جانب سے ایس ایچ او کی مدعیت میں سیٹلائٹ ٹاون تھانہ میں درج کیا گیا ہے۔