وزیراعظم عمران خان نے کہا ہے کہ پارٹی ڈسپلن کی خلاف ورزی ہرگز برداشت نہیں کی جائے گی۔

تفصیلات کے مطابق وزیراعظم عمران خان سے چیئرمین سینیٹ صادق سنجرانی اور قائد ایوان سینیٹ شبلی فراز نے ملاقات کی۔

ملاقات میں قانون سازی اور پارٹی امور پر تبادلہ خیال کی گیا جبکہ ایوان بالا میں قانون سازی سے متعلق امور پر گفتگو کی گئی اور سول سروسز ریفارمز پر بھی بات چیت ہوئی۔

اس موقع پروزیراعظم عمران خان نے نیپرا ترمیمی بل کی تیاری ومنظوری پر شبلی فراز کو سراہا جبکہ سینیٹر شبلی فراز نے گردشی قرضے کم کرنے اورانرجی سیکٹرکی بہتری کے لئے مختلف تجویزبھی دی۔

عمران خان نے کہا کہ پارٹی کے اندرونی معاملات کو باہرنہیں لانا چاہئے جبکہ انرجی سیکٹر میں گردشی قرضے کم کرنے اور توانائی کے متبادل زرائع ڈھونڈ رہے ہیں۔

وزیراعظم عمران خان نے مزید کہا کہ ایوان بالاء پرامن ایوان ہے اور پارٹی ڈسپلن کی خلاف ورزی ہرگز برداشت نہیں کی جائے گی۔

وزیر اعظم عمران خان کی وزیر اعلیٰ پنجاب سے ملاقات

دوسری جانب وزیراعظم عمران خان سے سپیکر قومی اسمبلی اسد قیصرکی بھی ملاقات ہوئی۔

ملاقات میں قومی اسمبلی میں قانون سازی سے متعلق امور زیر بحث وزیراعظم کو رواں سیشن میں قانون سازی سے متعلق آگاہ کیا۔

واضح رہے اس سے قبل بھی یراعظم عمران خان کی پنجاب سے منتخب تحریک انصاف کے قومی اسمبلی کے ارکان سے ملاقات ہوئی تھی۔

ملاقات میں صوبے میں ڈویژن کی سطح پر سالانہ ترقیاتی پروگرام کے حوالے سے منتخب نمائندگان اور صوبائ حکومت کے درمیان مشاورت کے حوالے سے گفتگو کی گئی  تھی جبکہ اراکین نے اپنے متعلقہ حلقوں میں عوام کو درپیش سماجی و ترقیاتی  مسائل کے حل میں درپیش مشکلات سے آگاہ کیا تھا ۔

وزیراعظم نے کہا  تھا کہ آپ لوگوں سے آج ملاقات کا مقصد آپ کے متعلقہ حلقوں میں عوام الناس کو درپیش مسائل اور ترقیاتی منصوبوں کی تکمیل کے حوالے سے مشکلات کا ادراک اور ان کے فوری حل کے لے ہدایات جاری کرنا ہے۔