وزیراعظم عمران خان ڈیووس میں سائیڈ لائن پر سنگاپور کے ہم منصب، آذر بائیجان کے صدر اور ترک کمپنی کیلک ہولڈنگ کے چیئرمین سے ملے ہیں۔

تفصیلات کے مطابق وزیراعظم عمران خان نے سنگاپور کے ہم منصب لی سیان لونگ سے ملاقات کی جس میں پاک سنگاپور دو طرفہ تعاون کے فروغ پر بات چیت ہوئی۔

وزیراعظم کی امریکی صدر ڈونلڈ ٹرمپ سے ملاقات

ذرائع کے مطابق اس اہم ملاقات میں وزیرخارجہ شاہ محمود قریشی، مشیر خزانہ حفیظ شیخ اور عمومی سفیر برائے سرمایہ کاری علی جہانگیر صدیقی بھی موجود تھے۔

اس کے علا وہ عمران خان نے آذربائیجان کے صدر الہام علی یوف سے بھی ملا قات کی ، جس میں عالمی اور علاقائی صورتحال سمیت اہم معاملات پر تبادلہ خیال کیا گیا۔

وزیراعظم پاکستان کی ڈیووس میں ترک کمپنی کیلک ہولڈنگ کے چیئرمین سے بھی ملاقات ہوئی۔

اس مو قع پر مشیر خزانہ حفیظ شیخ، مشیر تجارت رزاق داؤد، معاونین خصوصی ذولفی بخاری اور معید یوسف بھی موجود تھے۔

ذرائع کے مطابق عمران خان آج عالمی اقتصادی فورم سے خطاب بھی کریں گے۔

واضح رہے کہ وزیر اعظم عمران خان سوئٹزرلینڈ کے شہر ڈیووس میں مو جود ہیں جہاں انکی ملاقات گزشتہ روز امریکی صدر ڈونلڈ ٹرمپ سے بھی ہوئی ۔

ملاقات میں دونوں رہنماوں میں اہم امور پر تبادلہ خیال ہوا۔

امریکی صدر سے ملا قات کے دوران وزیر خارجہ شاہ محمود قریشی اور مشیر تجارت بھی وزیراعظم عمران خان کے ہمراہ تھے۔