وفاقی وزیر داخلہ اعجاز احمد شاہ کی برٹش ایر ویز کے چار رکنی وفد سے ملاقات ہوئی ہے۔

تفصیلات کے مطابق برٹش وفد کی صدارت رچرڈ کراؤڈر ڈپٹی برٹش ہائی کمشنرکر ریے تھے۔

ملاقات کا بنیادی مقصد وزیر داخلہ اعجاز احمد شاہ کا سکیورٹی انتظامات کو یقینی بنانے پر شکریہ ادا کرنا تھا۔

ملاقات میں برطانوی وفد کی جانب سے کہا گیا کہ ہمارے تمام فلائینگ آپریشنز بغیر کسی مشکل کے چل رہے ہیں اور سکیورٹی کے تمام انتظامات تسلی بخش ہیں۔

وفد کے مطابق برطانوی وفد نے کہا ہے کہ وزارت داخلہ کے اقدامات اور تعاون کے شکر گزار ہیں کیونکہ گزشتہ 7 ماہ میں کسی قسم کی دقت کا سامنہ نہیں ہوا اور امید بھی ظاہر کیا ہے کہ آنے والے وقت میں بھی تعاون برقرار رہے گا۔

وزیر داخلہ اعجاز احمد شاہ سے ہنگری کے سیفر کی ملاقات

ملاقات میں وزیر داخلہ اعجاز شاہ نے کہا ہے کہ خوشی ہے کہ ہماری کوششیں رنگ لائی ہیں اور چاہتے ہیں کہ عالمی سطح پر پاکستان کا مثبت تاثر جائے۔

اس موقع پر انہوں نے کہا کہ ویزہ سہولیات سے لے کر  امیگریشن کاونٹرز تک، ہم نے تمام سہولیات کو بہتر بنانے کی کوشش کی ہے۔

ملاقات کے دوران انہوں نے کہا کہ امید ہے کہ ہفتے میں 3 سے زیادہ پروازوں اور دیگر شہروں تک رسائی بھی وقت کے ساتھ ممکن بنا سکیں گے

یاد رہے کہ برٹش ایرویز نے جون 2019 میں پاکستان میں پروازوں کا دوبارہ آغاز کیا تھا- اس سے قبل 2008 سے پروازوں کا سلسلہ بند تھا۔

واضح رہے کہ وزیر داخلہ اعجاز احمد شاہ  سے ہنگری کے سیفر سزابو استوان کی ملاقات ہوئی تھی۔

ہنگری کے سفیر نے پاکستان میں سکیورٹی کی صورتحال پر اطمینان کا اظہار کیا اور کہا کہ بین الاقوامی سطح پر پاکستان کی پوزیشن میں واضح بہتری آئی ہے۔

اعجاز احمد شاہ نے کہا کہ دوطرفہ تعلقات کی بہتری کے لئے کام کر کے خوشی ہوتی ہے، سکیورٹی صورتحال کی بہتری سے متعلق حوصلہ افزائی پر شکر گزار ہیں۔