موجودہ اقتصادی صورتحال کے باعث پاکستان میں  31 فیصد پاکستانی ملازمتوں سےہاتھ دھو بیٹھےہیں۔

تازہ ترین سروے کے مطابق  موجودہ اقتصادی صورتحال کے باعث پاکستان کےتقریباً 31 فیصد پاکستانیوں کی ملازمتیں ختم ہو چکی ہیں۔

عالمی صارفین کےاعتماد پرجاری اپنی رپورٹ میں فرم کاکہناہےکہ پاکستانی عوام میں افراطِ زر، بیروزگاری اورغربت کے خدشات سب سے گہرے ہیں۔

جبکہ ملازمت پیشہ افراد بھی  اسی  صورتحال سےشدید پریشانی کےشکارہیں اوران میں سے 83 فیصد ملازمت پیشہ افراد کو خطرہ ہے کہ کہیں انہیں بھی ملازمت سے محروم نہ کر دیا جائے۔

فرم نےملک بھرمیں سروے کے دوران  لوگوں سے سوالات کئے ہیں جس کے جواب میں انہوں نے معیشت پر عدم اعتماد کا اظہار کیا ہے۔ یہی وجہ ہے کہ صرف 21 فیصد افراد نے کہا کہ ملک درست سمت میں آگے بڑھ رہا ہے۔

فرم کی تحقیق اورسروےسے پاکستانی عوام کی بے چینی اورمعاشی عدم تحفظ کی عکاسی بھی ہوتی ہے۔

سروے میں 18 سے 65 سال کے 2900 افراد سے سوالات کئے گئے تھے۔ سروے میں ملازمتوں کے مواقع اور بیرونی سرمایہ کاری میں کمی کی جانب نشاندہی بھی کی گئی۔

سروے میں مزید بتایا گیا کہ معاشی بدحالی  کی وجہ سے پاکستانیوں میں 91 فیصدتعداد ان لوگوں کی تھی جو کہ گاڑی یاگھرنہیں خریدنا چاہتے ۔

  واضح رہے کہ موجودہ حکومت نےانتخابی مہم کے دوران نوجوانوں کو 1  کروڑ نوکریاں  دینےکے اعلان کےساتھ ساتھ  روزگار کے مواقع فراہم کرنےکاوعدہ کیا تھاتاہم  اس کے برعکس پاکستانی نوجوانوں میں نوکریوں کی شرح پچھلے سال سے گرگئی ہے جس کی وجہ سے ملک کے نوجوانوں کی ایک کثیرتعدادبے روزگاری کی شکار ہے۔