وفاقی وزیر برائے منصوبہ بندی اسد عمر نے کہا ہے کہ حکومت کا مقصد پانی کے مسئلے کا پائیدار حل فراہم کرنا ہے۔

تفصیلات کے مطابق وفاقی وزیر برائے منصوبہ بندی اسد عمر کی زیرصدارت اسلام آباد اور راولپنڈی میں پانی کی قلت پر اجلاس  ہوا۔

اس موقع پر تمام متعلقہ وفاقی اور صوبائی محکمہ کی نمائندگی کے ساتھ ایک کمیٹی تشکیل دی دے دی گئی جبکہ خانپور ڈیم سے اسلام آباد اور راولپنڈی کو پانی کی فراہمی کی موجودہ صورتحال سے متعلق رپورٹ پر غور کیا گیا۔

اسد عمر  نے کہا کہ کمیٹی احتیاطی اقدامات اور بحالی کی سرگرمیوں کریگی جبکہ دونوں شہروں کے آس پاس پانی کے کافی ذرائع دستیاب ہیں تاہم واٹر مینجمنٹ سسٹم کمزور ہے اور اسے بہتر بنانے کی ضرورت ہے۔

 وفاقی وزیر برائے منصوبہ بندی اسد عمر  نے مزید کہا کہ مختلف وفاقی اور صوبائی محکموں میں ذمہ داریاں واضح نہیں ہیں جبکہ خانپور ڈیم ذخائر کے فیز پر جلد کام شروع کیا جائیگا۔

اجلاس میں ایس اے پی ایم علی نواز اعوان ،  عامر محمود کیانی ایم این اے ، اور وفاقی اور صوبائی حکومتوں کے سینئر عہدیداروں نے شرکت کی۔

صاف پانی کی فراہمی کے لئے ہر ممکن کوشش کی جائے گی، اسد عمر

واضح رہے اس سے قبل بھی وفاقی وزیر برائے منصوبہ بندی ، ترقی و اصلاحات اور خصوصی اقدامات اسد عمر کی زیر صدارت پانی کے مسائل کے حوالے سے اجلاس ہوا، جس میں واٹر سپلائی منصوبے کی موجودہ صورتحال کا بھی جائزہ لیا گیا تھا۔

وفاقی وزیر برائے منصوبہ بندی  اسد عمر نے کہا تھا کہ فوری طور پر کراچی کو پانی کی فراہمی کے لئے مختصر اور وسط مدتی حل کی ضرورت پر زور دیا ہے۔

اسد عمر نے یہ بھی کہا تھا کہ وفاقی حکومت کراچی کے رہائشیوں کو پینے کے صاف پانی کی فراہمی کے امور کو حل کرنے کے لئے صوبائی حکومت کے ساتھ مل کر کام جاری رکھے گی۔

 وفاقی وزیر برائے منصوبہ بندی اسد عمر نے مزید کہا تھا کہ کسمپولیٹن شہر میں پانی کی قلت کے مسئلے کو مستقل طور پر حل کرنے کے لئے ایک مضبوط حکمت عملی کی ضرورت ہے۔