وزیراعظم عمران خان نے مہنگائی روکنے کے لئے 15 ارب کے بڑے پیکج کا اعلان کردیا ہے۔

تفصیلات کے مطابق وزیراعظم کی زیر صدارت مہنگائی کے خلاف گزشتہ تین روز میں دوسرا اجلاس منعقد ہوا جس میں ملکی معیشت اور مہنگائی کی صورتحال پر اہم فیصلہ کیا گیا۔

اجلاس میں وزیراعظم عمران خان نے فیصلہ کیا ہے کہ یوٹیلیٹی اسٹورز کو 15 ارب کا پیکج، بینظیرانکم سپورٹ پروگرام کے ذریعے خصوصی راشن کارڈ جائے گا۔

اجلاس میں عمران خان نے کہا ہے کہ  حکومت غریب کی  تکلیف  پر حکومت خاموش تماشائی نہیں بن سکتی جبکہ حکومتی ترجمانوں کو بھی اجلاس میں عوام ک وفوری ریلیف دینے کے لئے مختلف تجاویز پرغور کرنے کی ہدایت کردی گئی ہے۔

اجلاس میں اشیائے ضروریہ کی سستے نرخوں پر فراہمی کے اقدامات پر غور کیا گيا۔

بھارتی اشتعال انگیزی سے بچوں، خواتین سمیت 10افراد زخمی، آئی ایس پی آر

عام آدمی کو ریلیف فراہم کرنے سے متعلق وزیراعظم کے فیصلوں کا اعلان کل کابینہ اجلاس میں کیا جائے گا، اجلاس میں معاون خصوصی ثانیہ نشتر، چئیرمین یوٹیلیٹی اسٹورز ذوالفقار علی خان و دیگر شریک ہوئے۔

دوسری جانب وزیراعظم عمران خان کی جانب سے اجلاس میں ملک میں آٹے کے بحران سے متعلق جہانگیر ترین کو کلین چٹ مل گئی ہے۔

وزیراعظم عمران خان نے حکومتی اور پارٹی ترجمانوں کے ساتھ اجلاس میں  کلیئر قراردے دیا ہے اور کہا ہے کہ جہانگیر ترین کا حالیہ آٹا بحران میں کوئی کردار نہیں ہے۔

اس سے قبل وزیر اعظم عمران خان نے مہنگائی میں کمی سے متعلق ایک اجلاس میں کہا تھا کہ عوامی ریلیف کے لیے حکومت ہر حد تک جائے گی، غریب عوام کی تکالیف پر حکومت خاموش تماشائی نہیں بن سکتی۔

گزشتہ روز وزیر اعظم نے اہم اعلان کرتے ہوئے کہا تھا کہ مجھے ان مشکلات کا ادراک ہے جن کا تنخواہ دار طبقے سمیت مجموعی طور پر عوام کو سامنا ہے، میں نے فیصلہ کیا ہے کہ کچھ بھی ہوجائے، میری حکومت منگل کو کابینہ کے اجلاس میں عوام کے لیے بنیادی غذائی اجناس کی قیمتوں میں کمی کی خاطر مختلف اقدامات کا اعلان کرے گی۔