سابق وزیرقانون پنجاب راناثنااللہ نے کہاہے کہ اگرریاست ہی خود مدعی بن کے غلط مقدمہ درج کرتی ہو تو یہ باعث شرم بات ہے، عمران خان ریاست مدینہ کے سربراہ بنتے ہیں کہاں انصاف ہےبتایا جائے۔

راناثنااللہ نےعدالت پیشی کےموقع پرمیڈیا سےگفتگوکرتے ہوئےکہاکہ اس عدالت میں 10 اسپیشل پراسیکیوٹرلگ چکے ہیں 6 کروڑروپے فیس ادا کی گئی، معلومات بھی نہیں دی جارہی یہ وہی عدالت ہے جس کا فیصلہ وٹس ایپ پرہوا پہلے اور موجودہ جج پر کوئی شک نہیں ہے، دونوں ججزفرض شناس آفیسر ہیں۔

انہوں نے کہا کہ ہم انصاف حاصل کرنے کی جنگ لڑرہے ہیں اور جیتیں گے ہمیں عدالتوں سے انصاف مل رہا ہے، روزانہ بے گناہ افراد رہا ہورہے ہیں، مسلم لیگ ن کے تمام رہنما رہا ہوں گے۔

راناثنااللہ کا کہناتھا کہ سرعام پھانسی کی کل کی قرارداد پی ٹی آئی کے لیے پھٹکارہے، اتحادی توہیں ہی ملک کے 22 کروڑعوام ناراض ہیں جو حکومت کو جتنی جلدی چھوڑے گا اچھا ہوگا۔

مسلم لیگ ن کے رہنما نے کہا کہ حکومت کی کوشش ہے کہ ہم ان سے ویڈیو نہ مانگیں، اب ہم حکومت کو بھاگنےنہیں دینگے۔

رانا ثنااللہ نے مزید کہاکہ مریم نواز کے خلاف بے بنیاد مقدمہ بنایا گیا، مریم اس وقت ضمانت پر ہیں انتظامی حکم کے تحت انکا کسی کو روکنے کیلے حق نہیں بنتا۔ مریم نواز کا بیٹی ہونے کے ناطے میاں صاحب کے پاس ہونا لازمی ہے عدالتوں کے ججز انصاف کررہے ہیں ہم چاہتے ہیں پوری اپوزیشن کو اعتماد میں لیں۔

انہوں نے تنقید کرتے ہوئے کہا کہ وزیراعظم کی اے ٹی ایم نے کروڑوں کا ڈاکہ عوام کی جیبوں پر ڈالا آٹا مہنگا کرکے عوام سے  ساتھ بدترین انتقام لیا گیا مولانا بلاول اور ہم سب اکٹھے بیٹھیں گے اور مشترکہ لائحہ عمل لائیں گے۔