ماسک بیچنے کیلئےلوگوں میں خوف پیداکیاجارہا

ثمرا مظہر

28th Feb, 2020. 12:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ماسک بیچنے کیلئےلوگوں میں خوف پیداکیاجارہا

سندھ ہائی کورٹ میں کراچی میں ماسک کی قلت اور مہنگے داموں فروخت کے خلاف درخواست کی سماعت ہوئی جس کے دوران جسٹس محمد علی مظہر نے ریمارکس میں کہا ہے کہ ماسک بیچنے کا نیا طریقہ نکالا ہے، لوگوں میں خوف پیدا کر دیا گیا ہے۔

تفصیلات کے مطابق سندھ ہائیکورٹ میں کراچی میں ماسک کی قلت اور مہنگے داموں فروخت کے خلاف درخواست کی سماعت ہوئی جس میں درخواست گزار ذوالفقارعلی کی جانب سےمؤقف اختیار کیا ہے کہ کراچی میں ماسک موجود نہیں، جو ہیں وہ مہنگے فروخت ہو رہے ہیں۔

درخواست گزار کا موقف سننے کے بعد جسٹس محمد علی مظہر نے ریمارکس دیتے ہوئے استفسار کیا کہ کس نے کہا کہ کورونا سے بچنے کے لیے ماسک پہننے کی ضرورت ہے؟ کل آپ نے ڈاکٹر کی پریس کانفرنس نہیں سنی؟

جج نے مزید کہا کہ شہر میں ماسک مل تو رہے ہیں، کمرۂ عدالت میں بچی نے بھی ماسک پہنا ہوا ہے۔

عدالت نےبچی سے سوال کیا کہ بیٹا آپ نے ماسک کہاں سے لیا ہے؟جس پر بچی نے جواب دیا کہ بہت مشکل سےمارکیٹ سے ملا ہے۔

بچی کے جواب پر کمرۂ عدالت قہقہوں سے گونج اٹھا۔

جسٹس محمد علی مظہر نے کہا کہ ماسک بیچنے کا نیا طریقہ نکالا ہے، لوگوں میں خوف پیدا کردیا گیا ہے۔