وزیر اعظم آزاد کشمیر راجہ فاروق سےبرطانوی  ممبر پارلیمان ڈیبی ابراہمس کی قیادت میں وفد کی ملاقات ہوئی۔

ملاقات میں وزیر اعظم آزاد کشمیر راجہ فاروق حیدر نے برطانوی وفد کو مقبوضہ کشمیر کی تازہ ترین صورتحال پر بریفنگ دی ۔

وزیر اعظم آزاد کشمیر نے کہا کہ مودی سرکار کی جانب سے ڈیبی ابراہمس کو ڈی پورٹ کرنا بھارتی حکومت کے خلاف چارج شیٹ ہے ۔

مقبوضہ کشمیر کی صورت حال سے وفد کو آگاہ کرتے ہوئے راجہ فاروق حیدر نے کہا کہ نریندر مودی کے پانچ اگست کے بعد اقدامات نے نام نہاد ہندوستانی جمہوریت کے دعوے کو بے نقاب کر دیا ،مقبوضہ کشمیر ایک انسانی جیل ہے جس کا بیرونی دنیا سے کوئی رابطہ نہیں چودہ ہزار گرفتارنوجوانوں کے لیے خصوصی حراستی مراکز قائم کئے جارہے ہیں۔

ڈیبی ابراہمس کی زیر قیادت برطانوی ارکان پارلیمنٹ کی ملاقات میں راجہ فاروق حیدر مزید نے کہا کہ کشمیری عوام کو اپنی مرضی کے مطابق مستقبل کا فیصلہ کرنے کا حق دیا جائے، اقوام متحدہ کی قراردادوں کے مطابق راے شماری کے علاوہ مسلہ کا کوئی حل نہیں۔

اس وقع پر سےبرطانوی  ممبر پارلیمان  نے کہا کہ مظفرآباد یہ ہمارے لیےاہم موقع ہےکہ ہم آزادکشمیرآئے ، یہاں مختلف لوگوں سےبلاروک ٹوک ملاقات کاموقع مل رہاہے، ہمیں کنٹرول لائن کے دوسری جانب جانےکی اجازت نہیں دی گئی۔

ڈیبی ابراہمس نے  یہ بھی کہا  کہ دکھ بھرے70سال بہت ہوتےہیں،کشمیری آج بھی فیصلےکےمنتظرہیں، تجارت کسی صورت بھی انسانی حقوق سے زیادہ قیمتی نہیں ہو سکتی۔

برطانوی  ممبر پارلیمان ڈیبی ابراہمس نے مزید کہا  کہ ہم نےکشمیر کےمستقبل سےمتعلق بہت بامقصد بات چیت کی، ہم کنٹرول لائن کی دونوں جانب انسانی حقوق سےمتعلق فکرمندہیں، کبھی اجازت نہیں دے سکتے کہ کشمیرمیں حالات پر امن نہ ہوں۔

کشمیر کے حل کیلئے کوششں جاری رہے گی، برطانوی ممبر پارلیمان

واضح رہے کہ گزشتہ روز وزیر خارجہ شاہ محمود قریشی کے ہمراہ کانفرنس  کرتے ہوئے  برطانوی پارلیمانی ممبر ڈیبی ابراہمس نے کہا تھا کہ پاکستانی دفترخارجہ کاشکریہ اداکرتی ہوں، مقبوضہ وادی میں کشمیری عوام کوکئی دنوں سےمشکلات کاسامنا ہے، ہمیں انسانی حقوق کی رپورٹ پرتشویش ہے، مقبوضہ کشمیر اور پاکستان کے دورے کا مقصد حقائق جاننا ہے۔

ڈیبی ابراہمس کا مزید کہنا تھا کہ بھارتی حکومت نے ہمیں مقبوضہ کشمیر کےدورے کی اجازت نہیں ، پاکستانی حکومت کے شکرگزارہیں کہ ہم سے ہر ممکن تعاون کیا، پاکستان کے مثبت رویے کاخیرمقدم کرتے ہیں ، امید ہے بھارت بھی پاکستان کی طرح تعاون کرے گا۔