امریکی نمائندہ خصوصی زلمے خلیل زاد نے وزیراعظم عمران خان سے ملاقات کی۔

تفصیلات کے مطابق افغان مصالحتی عمل کے بارے میں امریکی نمائندہ خصوصی زلمے خلیل زاد نے پیر کی رات اسلام آباد میں وزیراعظم عمران خان سے ملاقات کی۔

 ملاقات کے دوران علاقائی سلامتی کی صورتحال سے متعلق امور پر تبادلہ خیال کیا گیا۔

واضح رہے کہ اس سے قبل وزیر خارجہ مخدوم شاہ محمود قریشی سے امریکی نمائندہ خصوصی برائے افغانستان زلمے خلیل زاد کی ملاقات ہوئی تھی۔

ملاقات میں دو طرفہ تعلقات کے فروغ اور افغان امن عمل سمیت اہم امور پر تبادلہ خیال کیا گیا  تھا جبکہ شاہ محمود قریشی نے وزارت خارجہ آمد پر زلمے خلیل زاد کا خیرمقدم کیا۔

خطے میں امن کے لئے پاکستان اپنی مثبت کوششیں جاری رکھے گا، وزیرخارجہ

اس موقع پر شاہ محمود قریشی کا کہنا تھا کہ افغان مسئلے کےحل کے لئے پاکستان نے کلیدی کردار ادا کیا، افغان امن ومفاہمتی عمل کےلئے پاکستان مثبت کوشش جاری رکھے گا۔

وزیرخارجہ شاہ محمود قریشی کا یہ بھی کہنا  تھا  کہ افغان مسئلے کے حل کے لئے پاکستان نے کلیدی کردار ادا کیا، خطے میں امن اور مفاہمتی عمل کے لئے پاکستان اپنی مثبت کوششیں جاری رکھے گا۔

وزیر خارجہ شاہ محمود قریشی کا مزید کہنا تھا کہ افغان مہاجرین کی باعزت وطن واپسی کے لئے مرحلہ وار، وسائل اور وقت کے تعین پر مبنی خاکہ تیار کرنا ہوگا ۔

شاہ محمود قریشی  سے ملاقا ت میں ا مریکی نمائندہ خصوصی برائے افغانستان زلمے خلیل زاد نے پاکستان کی جانب سے افغان مہاجرین کی دیکھ بھال اور امن کی کوششوں کی تعریف کی تھی ۔