کراچی میں زہریلی گیس سے 14 ہلاکتوں کا معمہ حل نہ ہوسکا، تاہم وزیراعلیٰ سندھ کو بھجوائی گئی رپورٹ میں اموات کی وجہ سویابین ڈسٹ کو قرار دے دیا گیا ہے۔

رپورٹ میں سویا بین کے کنٹینر یا جہاز کو پورٹ سے دور رکھنے کی ہدایت بھی کی گئی ہے۔

کراچی، کیماڑی اوراطراف میں زہریلی گیس سےمزید6افرادجاں بحق

ذرائع کے مطابق جناح سندھ میڈیکل یونیورسٹی کے وائس چانسلر پروفیسر طارق رفیع نے سویا بین ڈسٹ سے ہلاکتوں کو خارج از امکان قرار دے دیا۔

 ڈائریکٹر جنرل پلانٹ پروٹیکشن فلک ناز کا کہنا ہے کہ امریکا سے درآمد سویا بین پر آف لوڈنگ سے قبل کیڑے مار ادویات کا سپرے نہیں کیا گیا۔

شپ ایجنٹس ایسوسی ایشن نے بھی سویا بین سے لدے جہاز میں زہریلی گیس کی خبروں کی تردید کر دی۔

ذرائع کے مطابق انویسٹی گیشن ٹیم نے اس بات کا پتا لگا لیا کہ امریکا سے سویا بین لانے والے بحری جہاز کو کس نے کلیئر کیا تھا۔

معلوم ہوا ہے کہ وزارت نیشنل فوڈ سیکورٹی اینڈ ریسرچ کے پلانٹ پروٹیکشن محکمے نے درآمدی سویا بین کو آف لوڈ کرنے کی اجازت دی تھی، اس محکمے کی جانب سے سویا بین صرف تیل بنانے کے استعمال کے لیے اجازت دی گئی، پلانٹ پروٹیکشن محکمہ اس خدمت کی فیس بھی وصول کرتا ہے۔

واضح رہے کہ کراچی کے علاقے کیماڑی میں زہریلی گیس سے 14 اموات دراصل سویابین لانے والے امریکی جہاز ہرکولیس سے گرد پھیلنے کی وجہ سے ہوئی تھیں۔