سونے کی قیمتوں میں اضا فے کے بعد ایک بار پھرحیرت انگیز کمی، ملک بھرمیں فی تولہ سونے کی قیمت میں 350 روپے کمی ہوگئی ہے۔

تفصیلات کے مطابق چئیرمین جیولرز ایسوسی ایشن محمد ارشد نے اپنے ایک بیان میں کہا کہ پاکستان میں سونا فی تولہ قیمت میں 350 روپے سستا ہوکر 90700 روپے کا ہوگیا جبکہ  10 گرام سونا 300 روپے کمی سے 77761 روپے کا ہوگیا ہے۔

   چئیرمین جیولرز ایسوسی ایشن محمد ارشد نے مزید کہا کہ عالمی بازار میں سونا 9 ڈالر کمی سے 1570 ڈالر فی اونس کا ہوگیاہے۔

واضح رہے اس سے قبل بھی ملک بھرمیں فی تولہ سونے کی قیمت میں 150 روپے اضافہ ہوگیا تھا۔

فی تولہ سونے کی قیمت میں 200 روپے کمی

چئیرمین جیولرز ایسوسی ایشن محمد ارشد نے اپنے ایک بیان میں کہا تھا کہ پاکستان میں سونے کی فی تولہ قیمت میں 150 روپے کے اضافہ کے بعد تولہ سونا 85200 روپے ہوگئی جبکہ 10 گرام سونے کی قیمت میں 128 روپے کے اضافہ کے بعد 73045 روپے ہوگئی تھی۔

 چئیرمین جیولرز ایسوسی ایشن محمد ارشد نے مزید کہا تھا کہ انٹرنیشنل مارکیٹ میں سونا 11 ڈالر اضافہ کے بعد سونا 1469 ڈالر فی اونس کی سطح پر پہنچ گیا تھا جبکہ مقامی مارکیٹ میں چاندی 1020 روپے فی تولہ میں فروخت کی جارہی تھی۔

دوسری جانب ذرائع کا یہ بھی کہنا تھا کہ سونے کے ساتھ انٹر بینک میں ڈالر کی قدر میں 1 پیسے کی کمی ہو گئی تھی، اوپن مارکیٹ میں ڈالر 10 پیسے سستا ہوگیا جبکہ اوپن مارکیٹ میں ڈالر 155.60 سے کم ہوکر 155.50 روپے کا ہوگیا تھا۔

  علاوہ ازیں ذرائع کا مزید کہنا تھا کہ انٹر بینک میں ڈالر 6 پیسے سستا جبکہ اوپن مارکیٹ میں امریکی کرنسی کی قدر 20 پیسے بڑھ گئی تھی جبکہ کہ2019 کے آغاز میں بھی ڈالر کی قیمت میں روپے کے مقابلے میں پیش رفت جاری رہی تھی۔