وزیراعظم کی معاون خصوصی اطلاعات فردوس عاشق اعوان نے  کہا ہے کہ پاکستان کشمیریوں کے حقوق کا نگہبان ہے، کشمیر پاکستان کا دفاعی حصار ہے اور پاکستان کا اپنا وجود کشمیر کے بنا ناممکن ہے۔

تفصیلا ت کے مطابق وزیراعظم کی معاون خصوصی اطلاعات فردوس عاشق اعوان نے  میڈیا کو بریفنگ دیتے ہوئے کہا کہ وفاق، صوبائی حکومتیں، سول سوسائٹی اور تمام ادارے دنیا بھر کو ایک پیغام دینے جا رہے ہیں کہ ہم کشمیریوں کے ساتھ ہیں ، بھارت کشمیری عوام کو حق خود ارادیت سے محروم نہیں رکھ سکتا۔

 اپنے بیان میں فردوس عاشق اعوان  نے کہا کہ قائداعظم نے کشمیر کو پاکستان کی شہ رگ قرار دیا ، ہماری شہ رگ سےخون رس رہا ہےاور کل پاکستانی قوم کشمیریوں سے اظہار یکجہتی کرےگی۔

وزیراعظم کی معاون خصوصی اطلاعات نے یہ بھی کہا کہ پاکستان کی مائیں  بیٹیاں ہاتھوں کی زنجیریں بنا کر دنیا کو پیغام دینے کے لئے  کل اقوام متحدہ کے انسانی حقوق کے دفتر کے سامنے پاکستان کی بیٹیاں ہاتھوں کی زنجیر بنائیں گی ۔

لٹیروں کو عمران خان اپنی سیاسی موت کا فرشتہ دکھائی دیتے ہیں، فردوس عاشق اعوان

 فردوس عاشق اعوان کا کہنا تھا کہ  پانج فروری کا دن دنیا کے ضمیر کو جنجوڑتا ہے اور یہ عوام کا ایک ایسا اجتماع ہو گا جہاں ہر شعبے سے تعلق رکھنے والی خواتین وہاں موجود ہوں گی اورکشمیریوں سے اظہار یکجہتی کیلیے کل اقوام متحدہ کے ادارے سامنے قرارداد پیش کریں گے۔

فردوس عاشق اعوان  کا یہ بھی کہنا تھا کہ کشمیر پاکستان کا دفاعی حصار ہے، قائداعظم نے کشمیرکو پاکستان کی شہ رگ قرار دیا، ہ کل صبح 10 بجے دفترخارجہ کے سامنے انسانی ہاتھوں کی زنجیر بنائی جائےگی۔

وزیراعظم کی معاون خصوصی اطلاعات فردوس عاشق اعوان  کا مزید کہنا تھا کہ پاکستان کشمیریوں کےحقو ق کا پاسبان اور نگہبان ہے، وزیراعظم عمران خان کی طرح ہم سب کشمیریوں کی آواز بنیں گے۔

یاد رہے کہ مقبوضہ کشمیر میں بدترین لاک ڈاؤن جاری ہے ، کشمیری عوام تین ماہ سے زائد عرصے سے قیدیوں کی زندگی گزارنے پر مجبور ہیں۔