کیا کریں ان ٹیلنٹڈ لوگوں سے ملک نہیں چل رہا

شبین رضا

12th Feb, 2020. 04:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کیا کریں ان ٹیلنٹڈ لوگوں سے ملک نہیں چل رہا

شاہد خاقان عباسی کا کہنا ہے کہ کسی غلط فہمی میں نہ رہیں جب لوگ سڑکوں پہ نکل آئےتوکوئی جگہ نہیں رہے گی، کیا کریں ان ٹیلنٹڈ لوگوں سے ملک نہیں چل رہا۔

قومی اسمبلی کے اجلاس میں شاہد خاقان عباسی نے مشیر خزانہ حفیظ شیخ کے بیان پر رد عمل دیتے ہوئے کہا ہےکہ مشیر خزانہ نے خوش کن اعدادو شمار بیان کئے ، چینی اور آٹے کی قیمت کا ذکر نہیں کیا گیا،آٹا چالیس سے 70، چینی 53 سے 90 روپے تک ہو چکی ہے، عوام کو بتائیں کہ آٹا چینی کی قیمتیں کم ہوں گی۔

مافیا کا نام بتائیں، اگر ملک کو چلانا ہے تو حقائق کو دیکھیں، صوبوں کو بھی دیکھیں بجلی گیس کا معاملہ صوبوں کے حوالے کردیں۔

شاہد خاقان عباسی نے کہا کہ اگر یہ حکومت مدت پوری کرگئی تو پاکستان کاقرضہ دگنا ہوجائےگا، مشیرخزانہ کی حب الوطنی پر شک نہیں، 342 بھی اتنے ہی حب الوطن ہیں۔

سابق وزیراعظم نے کہا کہ وزیر خارجہ اکنامک ڈپلومسی پر بات کرتے ہیں، تقرریں نکال کر دیکھیں یہ سب ایکسپرٹ ہیں، یہاں ہر وزیر ایکسپرٹ ہے اور اپنے نہیں دوسرے کے کام کا ایکسپرٹ ہے ۔

انہوں نے مزید کہا کہ ملکی معیشت تباہ ہوچکی ہے ہوش کے ناخن لیں ،حقائق تلخ ہیں ، لوگوں کی زندگی تلخ ہوچکی ہیں۔