صدر آزاد کشمیر سردار مسعود خان اور ایم کیو ایم رابطہ کمیٹی کی ملاقات ہوئی ہے جس میں ایم کیو ایم کو آزاد کشمیر دورے کی دعوت دی گئی۔

ایم کیو ایم کی جانب سے صدر آزاد کشمیر کے دورے کی دعوت قبول کر لی گئی ہے۔

دعوت قبول کرنے پر انہوں نے مزید کہا ہے کہ ایم کیو ایم کے آزاد کشمیر دورے سے لائن آف کنٹرول کے دوسری طرف اچھا پیغام جائے گا۔

ملاقات میں مقبوضہ کشمیر میں بھارتی مظالم ، بھارت میں مسلمانوں پر تشدد ، اور لائن اف کنٹرول پر بھارتی جارحیت کے حوالے سے گفتگو کی گئی۔

مسئلہ کشمیر،وزیراعلیٰ خیبر پختونخوا سے صدر آزاد جموں و کشمیر کی ملاقات

ملاقات میں صدر آزاد کشمیر کا کہنا تھا کہ بھارتی افواج مقبوضہ کشمیر سے لائن آف کنٹرول پر سیز فائر کی کھلی خلاف ورزی کررہے ہیں جبکہ لائن آف کنٹرول پر بھارتی افواج فائرنگ کر کے آزاد کشمیر کے شہریوں کو شہید کر رہے ہیں۔

انہوں نے کہا کہ کشمیر میں بھارتی مظالم کی عالمی میڈیا نے پول کھول دی ہے جبکہ وفد سے ان کا کہنا تھا کہ آپ کی آزاد کشمیر قانون ساز اسمبلی میں نمائندگی اور زلزلے کے موقع پر خدمات قابل ستائش ہیں۔

ملاقات میں ایم کیو ایم کے وفد کا کہنا تھا کہ عالمی برادری کا کمشیر میں جاری بھارتی مظالم پر خاموشی سوالیہ نشان ہے۔

یاد رہے کہ واضح رہے کہ مقبوضہ کشمیر میں 102 روز سے بدترین لاک ڈاؤن جاری ہے ، کشمیری عوام تین ماہ سے زائد عرصے سے قیدیوں کی زندگی گزارنے پر مجبور ہیں۔

بھارتی سپریم کورٹ کے حکم کے باوجود مقبوضہ وادی میں آج بھی نظام زندگی مفلوج ہے اور حالات معمول پر لانے کے لئے بھارتی حکومت نے سپر یم کو رٹ کے حکم پر عمل در آمد کر تے ہوئے مقبو ضہ کشمیر میں کوئی مثبت قدم نہیں اٹھایا۔

مقبوضہ کشمیر میں مسلسل کرفیوکے با عث مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔