مسئلہ کشمیر،وزیراعلیٰ خیبر پختونخوا سے صدر آزاد جموں و کشمیر کی ملاقات
وزیر اعلیٰ خیبر پختونخوا محمود خان سے صدر آزاد جموں و کشمیر مسعود خان کی وزیر اعلیٰ سیکرٹریٹ میں ملاقات ہوئی، جس میں مسئلہ کشمیر کے حوالے سے بات چیت کی گئی۔
وزیراعلیٰ کے پی سے ملاقات میں صدر آزاد جموں و کشمیر مسعود خان نے کہا کہ اقوام متحدہ میں وزیراعظم عمران خان کی مسئلہ کشمیر پر تقریر کشمیریوں کی حقیقی ترجمانی ہے، انھوں نے اقوام متحدہ میں کشمیریوں کے لیے آواز بلند کر کے تاریخ رقم کر دی۔،
صدر آزاد جموں و کشمیر نے کہا کہ وزیراعظم عمران خان عالمی سطح پر مقبوضہ کشمیر کی بہترین سفارتکاری کر رہے ہیں۔
مسعود خان نے یہ بھی کہا کہ ہندوستان مقبوضہ کشمیر میں مسلمانوں کی نسل کشی کر رہا ہے جبک ہندوستانی افواج نے بھی مقبوضہ کشمیر میں انسانی حقوق کی پامالیوں کی تاریخ رقم کر دی۔
صدر آزاد جموں و کشمیر مسعود خان نے مزید کہا کہ مقبوضہ کشمیر کے مسلمانوں کو کشمیر چھوڑنے پر مجبور کیا جا رہا ہے جبکہ مقبوضہ کشمیر میں مسلمانوں کی اکثریت ختم کرنے کے لیے ہندوئوں کی آبادکاری بھی شروع کردی گئی ہے۔
اس موقع پر وزیراعلیٰ کے پی محمود خان نے کہا کہ مسئلہ کشمیر خیبرپختونخوا کی حکومت اور عوام کشمیریوں کے ساتھ کھڑے ہیں، کشمیر کی مکمل آزادی تک چین سے نہیں بیٹھیں گے۔
وزیراعلیٰ محمود خان نے مزید کہا کہ ماضی گواہ ہے کہ پختونخوا کے عوام نے ہمیشہ سخت وقت میں کشمیریوں کا ساتھ دیا ہے اور آج بھی کشمیر کی آزادی کے لیے کسی بھی حد تک جانے کے لیے تیار ہیں۔
واضح رہے کہ مقبوضہ کشمیر میں 102 روز سے بدترین لاک ڈاؤن جاری ہے ، کشمیری عوام تین ماہ سے زائد عرصے سے قیدیوں کی زندگی گزارنے پر مجبور ہیں۔
بھارتی سپریم کورٹ کے حکم کے باوجود مقبوضہ وادی میں آج بھی نظام زندگی مفلوج ہے اور حالات معمول پر لانے کے لئے بھارتی حکومت نے سپر یم کو رٹ کے حکم پر عمل در آمد کر تے ہوئے مقبو ضہ کشمیر میں کوئی مثبت قدم نہیں اٹھایا۔
مقبوضہ کشمیر میں مسلسل کرفیوکے با عث مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News