سیاسی مخالفین کے گھروں پر قبضہ افسوسناک ہے

شبین رضا

10th Feb, 2020. 10:48 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سیاسی مخالفین کے گھروں پر قبضہ افسوسناک ہے

شہباز شریف نے اسحاق ڈار کی رہائش گاہ پر قبضے اورلنگر خانہ کھولنےکی مذمت کرتے ہوئے کہا ہےکہ سیاسی مخالفین کے گھروں پر قبضہ افسوسناک اور منفی روایت ہے۔

تفصیلات کے مطابق مسلم لیگ ن کے صدر شہباز شریف اوچھے ہتھکنڈوں سے اسحاق ڈار کی خدمات کو جھٹلایا نہیں جاسکتا، ایسی گری ہوئی حرکتوں سے اسحاق ڈار اور ن لیگ کے حوصلے پست نہیں ہوں گے۔

سابق وزیر خزانہ کی رہائش گاہ کو پناہ گاہ میں تبدیل

مسلم لیگ ن کے صدر نے وزیر اعظم عمران خان پر تنقید کرتے ہوئے کہا کہ عمران نیازی کے تکبر، ضد اورحسدکے باعث معیشت ڈوب رہی ہے۔

انھوں نے کہا کہ عوام کو روٹی، روزگار اور کاروبار کے لالے پڑے ہیں، کرپٹ،نالائق حکومت سیاسی مخالفین کیخلاف انتقامی کارروائیوں میں مصروف ہے۔

دوسری جانب لاہور ہائیکورٹ نے اسحاق ڈار کی رہائشگاہ کو پناہ گاہ بنانے کیخلاف درخواست پر حکم امتناع جاری کر دیا۔

عدالت نے صوبائی حکومت سے 10 روز میں جواب طلب کرلیا۔

درخواست گزار نے موقف اپنایا کہ حکومت لیگی رہنماؤں کو سیاسی انتقام کا نشانہ بنا رہی ہے، حکومت پنجاب نے گھر کو غیر قانونی طور پر پناہ گاہ میں تبدیل کیا۔

اسلام آباد ہائیکورٹ نے رہائش گاہ کی نیلامی کیخلاف حکم امتناعی جاری کر رکھا ہے۔

پنجاب حکومت کا یہ اقدام خلاف آئین اور خلاف قانون ہے، پنجاب حکومت نے ہائیکورٹ کے حکم کی بھی خلاف ورزی کی ہے۔