وزیرِ اعظم عمران خان نے کہا ہے کہ وفاقی حکومت ٹڈی دل کے خاتمے کے لئے تمام مطلوبہ  وسائل فراہم کرنے کے لئے پرعزم ہے۔

تفصیلات کے مطابق وزیرِ اعظم عمران خان  کی زیر صدارت اعلیٰ سطحی اجلاس ہوا ، جس میں ٹڈی دل کے خاتمے کے حوالے سے اٹھائے جانے والے اقدامات کا جائزہ لیا گیا ۔

اجلاس میں   ٹڈی دل کے خاتمے کے لئے نیشنل ایکشن پلان کے تحت بین الادراہ جاتی  و بین الصوبائی کوراڈنیشن کمیٹیاں تشکیل کی گئی جبکہ صوبوں کی جانب سے مطلوبہ فنڈز کی  فراہمی کی صورتحال اور اس مسئلے سے نمٹنے کے لئے تجاویز پیش کیں۔

صوبائی وزرائے اعلیٰ نے  وزیرِ اعظم کو صوبوں میں ٹڈی دل کی صورتحال پر بریفنگ دیتے ہوئے کہا کہ سرویلینس، کنٹرول، مانیٹرنگ اور آگاہی مہم کے حوالے سے کمیٹیاں اور ضلعی سطحی پر متعلقہ ٹیمیں  بھی تشکیل دی جا چکی ہیں۔

فصلوں کے دشمن ٹڈی دل کی سندھ بھر میں تباہ کاریاں جاری

اجلاس کو بریفنگ میں یہ بھی کہا گیا کہ ایپکیس کمیٹی کی تشکیل اور این ڈی ایم اے میں کنٹرول روم کا قیام بھی عمل میں لایا جا چکا ہے جبکہ دیگر صوبوں کے ساتھ ساتھ صوبہ بلوچستان میں ٹڈی دل کے خاتمے کی جانب خصوصی توجہ دی جا رہی ہے۔

اس موقع پر سیکریٹری نیشنل فوڈ سیکیورٹی نے فوڈ اینڈ ایگریکلچر آرگنائزیشن اور ہمسایہ ملک چین کے ساتھ جاری تعاون کے حوالے سے بھی آگاہ کیا اور کہا کہ ٹڈی دل کے خاتمے کے لیے مطلوبہ فنڈز این ڈی ایم اے  کو فراہم کر دیے گئے ہیں۔

وزیرِ اعظم عمران خان  نے  وفاق، صوبائی حکومتوں اور متعلقہ اداروں کے درمیان مسلسل رابطے اور کوارڈینیشن کی اہمیت پر زور دیتے ہوئے کہا کہ حکومت کو ٹڈی دل کے مسئلے کی سنجیدگی کا مکمل ادراک ہے۔

اجلاس میں وزیراعلیٰ سندھ کے ساتھ وزیر زراعت اسماعیل راہو، چیف سیکریٹری ممتاز علی شاہ، وزیراعلیٰ سندھ کے پرنسپل سیکریٹری ساجد جمال ابڑو، سیکریٹری خزانہ حسن نقوی، سیکریٹری زراعت رحیم سومرو، سیکریٹری فوڈ لئیق احمد اور ڈی جی پی ڈی ایم اے سلمان شاہ سمیت دیگرصوبوں کے وزراء اعلیٰ اپنی ٹیم کے ہمراہ شریک ہوئے۔