کرونا وائرس کےخطرات اور پھیلاؤ کے خدشات کے پیش نظرگزشتہ نو روز سے بند پاک افغان بارڈر مزید ایک ہفتہ بند رکھنے کافیصلہ کیاگیا ہے۔
تفصیلات کے مطابق سیکیورٹی حکام کا کہنا ہےکہ وفاقی حکومت کی ہدایت پرباب دوستی کو مزید ایک ہفتہ بند رکھنے کے حکم میں توسیع کی گئی ہے۔
حکام کا یہ بھی کہنا ہے کہ سرحد کی بندش سے نیٹو سپلائی، افغان ٹرانزٹ ٹریڈ اور سینٹرل ایشیائی ممالک کے ساتھ تجارتی سرگرمیاں بھی معطل ہیں۔
چیمبرآف کامرس کے حکام کا اس ضمن میں کہنا ہے کہ باب دوستی کی بندش کی وجہ سے پاکستان سے تازہ پھلوں اور سبزیوں کی افغانستان اور وسط ایشیائی ممالک کو برآمد بھی معطل ہوچکی ہے۔
حکام کا مزید کہنا ہے کہ وسط ایشیائی ممالک کو سبزیوں اور تازہ پھلوں کی ایکسپورٹ معطلی سے تاجروں کو شدید مالی نقصان پہنچ رہا ہے۔
Advertisement
اقوام متحدہ کے کمیشن برائے مہاجرین کا اس ضمن میں کہنا ہے کہ باب دوستی کی بندش میں توسیع کی وجہ سے افغان مہاجرین کی رضاکارانہ طور پر وطن واپسی بھی تعطل کا شکار ہے۔
چیمبرآف کامرس کے حکام نے اپنا موقف دیتے ہوئے کہا کہ باب دوستی کھلنے کی صورت میں افغان مہاجرین کی رضاکارانہ وطن واپسی کا آپریشن شروع کیا جائے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
