علماء کی شب معراج کے موقع پر انفرادی عبادات کی اپیل

شبین رضا

22nd Mar, 2020. 12:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

علماء کی شب معراج کے موقع پر انفرادی عبادات کی اپیل

متحدہ علماء بورڈ حکومت پنجاب نے کورونا وائرس کی وباء کی وجہ سے حکومت کی ہدایات کے مطابق عوام الناس سے شب معراج کے موقع پر انفرادی عبادات کی اپیل کردی۔

ایک اعلامیے کے مطابق متحدہ علماء بورڈ کا کہنا ہے کہ کورونا وائرس کی وباء سے اس وقت پوری دنیا متاثر ہو رہی ہے اور وطن عزیز پاکستان میں رہنے والے ہر فرد کی سلامتی کا احساس کرنا ہم سب کی ذمہ داری ہے۔

اعلامیے میں کہا گیا کہ حکومت کی طرف سے ہر قسم کے سیاسی و مذہبی اجتماعات پر پابندی کے پیش نظر انفرادی عبادات پر توجہ دی جائے اور اجتماعات سے اجتناب کیا جائے۔

انہوں نے کہا کہ حکومت کی طرف سے دی جانے والی ہدایات پر مکمل عمل کیا جائے ، اسلام خود کو محفوظ رکھنے اور دوسروں کو محفوظ بنانے کا حکم دیتا ہے۔