کرونا ٹیسٹ کراؤں گا، خود کو آئسولیشن میں بھی رکھوں گا

شبین رضا

18th Mar, 2020. 11:16 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کرونا ٹیسٹ کراؤں گا، خود کو آئسولیشن میں بھی رکھوں گا

صدر مملکت ڈاکٹر عارف علوی، وزیرِ خارجہ شاہ محمود قریشی، وزیر برائے پلاننگ اسد عمر، مشیرِ تجارت عبدالرزاق داؤد، سیکریٹری خارجہ سہیل محمود اور چین کا دورہ کر کے وطن واپس پہنچے ہیں، پاکستانی وفد میں شامل تمام افراد کو وطن واپسی پر اب کرونا وائرس کا اسکریننگ ٹیسٹ کروانا ہوگا۔

اس سلسلے میں ایک نجی ٹی وی کے شو میں بات کر تے ہو ئے چین کے دورے سے آئے ہو ئے وزیر خارجہ شا ہ محمو د قریشی نے کہا ہے کہ کرونا کا ٹیسٹ کراؤں گا، خود کو آئسولیشن میں بھی رکھوں گا،ماہرین نے مجھے 5 دن بعد کرونا ٹیسٹ کا مشورہ دیا ہے۔

انہوں نے کہا کہ چین جانے کا مقصد اظہارِ یک جہتی کرنا تھا، کرونا سے متعلق احتیاط برتنی چاہیئے، سی پیک کے ساتھ ہماری معاشی ترقی جڑی ہے۔

واضح رہےکہ اگر صدر مملکت، وزیرِ خارجہ شاہ محمود قریشی یا وفد میں شامل کسی دوسرے شخص میں کرونا کی علامت پائی گئی تو پھر انہیں 14 روز کے لیے قرنطینہ کا سامنا کرنا پڑ سکتا ہے۔