پاکستان میں کورونا وائرس میں مزید 3 افراد جاں بحق ، تعداد 26 ہوگئی

وریشہ مسعود

31st Mar, 2020. 10:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان میں کورونا وائرس میں مزید 3 افراد جاں بحق ، تعداد 26 ہوگئی

پاکستان میں کورونا وائرس میں مزید 3 افراد جان کی بازی ہار گئے ، جس کے بعد اموات کی تعداد 26 ہوگئی جبکہ متاثرہ مریضوں کی تعداد 1977 ہوگئی ہے۔
تفصیلات کے لاہور پاکستان میں کورونا وائرس سے مزید 3 افراد کے جاں بحق ہونے جن میں میں سے دو ہلاکت سندھ جبکہ ایک خیبر پختونخوا میں ہوئی ہے۔
صوبہ سندھ کی وزیر صحت ڈاکٹر عذرا پیچوہو نے کراچی میں مہلک وائرس سے مزید 2 افراد کی ہلاکت کی تصدیق کرتے ہوئے کہا کہ کراچی میں 74 اور 70 سالہ شہری کورونا وائرس کے باعث انتقال کرگئے ہیں۔
ڈاکٹر عذرا پیچوہو نے یہ بھی کہا کہ 74 سالہ شہری دمے اور شوگر کا مریض تھا جس کا 26 مارچ کو ٹیسٹ کیا گیا تھا جو مثبت آیا تھا اور آج دوران علاج وہ چل بسا جبکہ جاں بحق ہونے والا کراچی کا 70 سالہ رہائشی بھی مختلف بیماریوں میں مبتلا تھا جس میں انتقال کے بعد ٹیسٹ رپورٹ میں کورونا وائرس کی تصدیق ہوئی تھی۔
صوبہ سندھ کی وزیر صحت ڈاکٹر عذرا پیچوہو نے مزید کہا کہ آج ہونے والی ہلاکتوں کے بعد سندھ میں مہلک وائرس سے جاں بحق افراد کی تعداد 8 ہوگئی ہے اور اب تک صوبے میں ہونے والی تمام ہلاکتیں کراچی میں ہوئی ہیں۔

دوسری جانب خیبرپختونخوا حکومت کے فوکل پرسن نے بھی صوبے میں ایک شخص کے جاں بحق ہونے کی تصدیق کرتے ہوئے کہا کہ اس ہلاکت کے بعد مہلک وائرس خیبرپختونخوا میں اب تک 6 زندگیاں نگل چکا ہے
یاد رہے کہ پاکستان میں اب تک کورونا وائرس سے ہونے والی ہلاکتو ں میں سے پنجاب میں 9 ہلاکتیں ہوچکی ہیں جبکہ سندھ میں 8 ، گلگت بلتستان میں 2 ، بلوچستان میں 1 شخص اور خیبرپختونخوا میں 6 افراد وائرس سے جاں بحق ہوچکے ہیں۔