کروناوائرس: پاک افغان بارڈرمزید سات دن کیلئے بند

ثمرا مظہر

09th Mar, 2020. 11:45 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کروناوائرس: پاک افغان بارڈرمزید سات دن کیلئے بند

کرونا وائرس سے بچاو اور اس کی روک تھام کے سلسلے میں پاک افغان بارڈر کو مزید سات دن کے لیے بند کردیا گیا۔

تفصیلات کے مطابق افغانستان میں کرونا وائرس کے کیسز سامنے آنے کے بعد پاکستانی حکام نے گزشتہ ہفتے چمن میں پاک افغان بارڈر کو سات دن کےلیے بند کرنے کا اعلان کیا تھا جس کی بندش میں مزید توسیع کردی گئی ہے۔

سیکیورٹی حکام کاکہناہے کہ پاک افغان بارڈر کو مزید سات دن کے لیے بند کردیا گیا ہے جس کے بعد آج آٹھویں روز بھی بارڈر بند ہے۔

سیکیورٹی حکام نے بتایا کہ باب دوستی سے ہر قسم کی دوطرفہ آمدورفت معطل ہے اور سرحد سے آنے والوں کی اسکریننگ بھی جاری ہے۔

محکمہ صحت کا بتانا ہےکہ پاک افغان سرحد پر 15 ہزار سے زائد افراد کی اسکریننگ کی جاچکی ہے اور سرحد کھلنے کے بعد اسکریننگ کا عمل دوبارہ شروع کیا جائے گا۔

ادھر چیمبر آف کامرس کا کہنا ہےکہ سرحد کی مزید بندش سے مسلسل نقصان ہورہا ہے۔

خیال رہے کہ ایران میں کرونا وائرس تیزی سے پھیلنے کے بعد پاکستانی حکام نے تفتان سے پاک ایران بارڈر کو بھی بند کر رکھا ہے اور گزشتہ ہفتے بارڈرکو 14 روز بعد تجارتی سرگرمیوں کے لیے کھول دیا گیا۔